________________
दसमं ठाणं
८०३
४४. रुयगवरे णं पव्वते दस जोयणसयाई उव्वेहेणं, मूले दस जोयणसहस्साई
विक्खंभेणं. उरि दस जोयणसताइं विक्खंभेणं पण्णत्ते ।। ४५. एवं कुंडलवरेवि ॥ दवियाणुओग-पदं ४६. दसविहे दवियाणुओगे पण्णत्ते, तं जहा-दवियाणुओगे, माउयाणुओगे,
एगट्ठियाणुओगे, करणाणुओगे, अप्पितणप्पिते', भाविताभाविते, बाहिराबाहिरे,
सासतासासते, तहणाणे, अतहणाणे ।। उप्पातपव्वय-पदं ४७. चमरस्स णं असुरिंदस्स असुरकुमाररण्णो तिगिछिकडे उप्पातपव्वते मूले दस
बावीसे जोयणसते विक्खंभेणं पण्णत्ते ।। ४८. चमरस्स णं असुरिंदस्स असुरकुमाररण्णो सोमस्स महारण्णो सोमप्पभे
उप्पातपव्वते दस जोयणसयाई उड्ढं उच्चत्तेणं, दस गाउयसताई उव्वेहेणं,
मूले दस जोयणसयाइं विक्खंभेणं पण्णत्ते ॥ ४६. चमरस्स णं असुरिंदस्स असुरकुमाररण्णो जमस्स महारण्णो जमप्पभे
उप्पातपव्वते एवं चेव ।। ५०. एवं वरुणस्सवि ।। ५१. एवं वेसमणस्सवि ।। ५२. बलिस्स णं वइरोणिदस्स वइरोयणरण्णो रुयगिदे उप्पातपव्व
बावीसे जोयणसते विक्खंभेणं पण्णत्ते ॥ ५३. बलिस्स णं वइरोयणिदस्स वइरोयणरण्णो सोमस्स एवं चेव, जधा चमरस्स
लोगपालाणं तं चेव बलिस्सवि" ॥ ५४. धरणस्स णं णागकुमारिंदस्स णागकुमाररण्णो धरणप्पभे उप्पातपव्वते दस
जोयणसयाई उड्ढ उच्चत्तेणं, दस गाउयसताइं उव्वेहेणं, मूले दस जोयणसताई
विक्खंभेणं ।। ५५. धरणस्स णं णागकुमारिंदस्स णागकुमाररण्णो कालवालस्स महारण्णो काल
वालप्पभे उप्पातपव्वते जोयणसयाइं उड्ढं उच्चत्तेणं एवं चेव ॥
१. अप्पिणप्पिते (क)। २. तेगिच्छि ° (क)। ३. ओव्वे° (क)। ४. द्रष्टव्यम्-ठा० ४।१२२ ।
५. ठा० १०१८४-५१ । ६. महाकालप्पभे (क, ख, ग); आदर्शषु
'महाकालप्पभ' पाठो लभ्यते, किन्तु 'सव्वेसि उप्पायपव्वया भाणियव्वा सरिनामगा'
Jain Education International
For Private & Personal Use Only
www.jainelibrary.org
