________________
८०२
पायाल - पदं
३४. सव्वेवि णं महापाताला दसदसाइं जोयणसहस्साइं उव्वेहेणं पण्णत्ता, मूले दस जोयणसहस्साइं विक्खंभेणं पण्णत्ता, बहुमज्झदेस भागे एगपएसियाए सेढीए दसदसाई जोयणसहस्साइं विक्खंभेणं पण्णत्ता, उवरि मुहमूले दस जोयणसहसाइं विक्खंभेणं पण्णत्ता । तेसि णं महापातालाणं कुड्डा सव्ववइरामया सव्वत्थ समा दस जोयणसयाइं बाहल्लेणं पण्णत्ता ॥
३५. सव्वेवि णं खुद्दा पाताला दस जोयणसताई उव्वेहेणं पण्णत्ता, मूले दसदसाई जोयणाई विक्खंभेणं पण्णत्ता, बहुमज्भदेसभागे एगपएसियाए सेढीए दस जोय सताइं विक्खंभेणं पण्णत्ता, उवरि मुहमूले दसदसाइं जोयणाई विक्खंभेणं पण्णत्ता । तेसि णं खुड्डापातालाणं कुड्डा सव्ववइरामया सव्वत्थ समा दस जोयणाई बाहल्लेणं पण्णत्ता ॥
पव्वय-पदं
३६. धायइसंडगा णं मंदरा दसजोयणसयाई उव्वेहेणं, धरणीतले देसूणाई दस जोयणसहस्साइं विक्खभेणं, उवरिं दस जोयणसयाई विक्खंभेणं पण्णत्ता ||
३७. पुक्खरवरदीवड्डगाणं मंदरा दस जोयणसयाई उब्वेहेणं, एवं चेव || ३८. सव्वेविणं वट्टवेयड्ढपव्वता दस जोयणसयाई उड्ढ उच्चत्तेणं, दस गाउयसयाई उव्वेणं, सव्वत्थ समा पल्लगसंठिता, दस जोयणसयाई विक्खंभेणं पण्णत्ता ॥
खेत्त-पदं
३६. जंबुद्दीवे दीवे दस खेत्ता पण्णत्ता, तं जहा - भरहे, एरवते, हेमवते, हेरण्णवते, हरिवस्से, रम्मगवस्से, पुव्वविदेहे, अवरविदेहे, देवकुरा, उत्तरकुरा ॥
ठाणं
पव्यय-पदं
४०. माणुसुत्तरे णं पव्वते मूले दस बावीसे जोयणसते विक्खंभेणं पण्णत्ते ।। ४१. सव्वेविणं अंजण-पव्वता दस जोयणसयाई उब्वेहेणं, मूले दस जोयणसहस्साई विक्खंभेणं, उवरि दस जोयणसताइं विक्खंभेणं पण्णत्ता ॥
४२. सव्वेवि णं दहिमुहपव्वता दस जोयणसताई उव्वेहेणं, सव्वत्थ समा पल्लगसंठिता,' दस जोयणसहस्साइं विक्खंभेणं पण्णत्ता ॥
४३. सव्वेविणं रतिकरपव्वता दस जोयणसताई उड्ढं उच्चत्तेणं, दसगाउयसताई उब्वेहेणं, सव्वत्थ समा झल्लरिसंठिता, दस जोयणसहस्साइं विक्खंभेणं
पण्णत्ता ॥
१. खुद्दापोताला ( ग ) ।
Jain Education International
२, ३. संठाणसठिता (क्व) ।
For Private & Personal Use Only
www.jainelibrary.org
