________________
६७४
कम्म-पदं
६०२. चउव्विहे कम्मे पण्णत्ते, तं जहा - सुभे णाममेगे सुभे, सुभे णाममेगे असुभे, असुभे णामगे सुभे, असुभे णाममेगे असुभे ॥
६०३. चउव्विहे कम्मे पण्णत्ते, तं जहा - सुभे णाममेगे सुभविवागें, सुभे णाममेगे असुभविवागे, असुभे णाममेगे सुभविवागे, असुभे णाम मेगे असुभविवागे ॥ ६०४. चउवि कम्मे पण्णत्ते, तं जहा - पगडीकम्मे, ठितीकम्मे, अणुभावकम्मे, पदेसकम् ॥
संघ-पदं
६०५. चउव्विहे संघे पण्णत्ते, तं जहा - समणा, समणीओ, सावगा, सावियाओ || बुद्धि-पदं
६०६. चउव्विहा बुद्धी पण्णत्ता, तं जहा - उप्पत्तिया, वेणइया, कम्मिया, परिणामिया ॥ मइ-पदं
६०७. चउव्विहा मई पण्णत्ता, तं जहा - उग्गहमती, ईहामती, अवायमती, धारणामती ।
ठाणं
अहवा - चउव्विहा मती पण्णत्ता, तं जहा - अरंजरोदगस माणा, वियरोदगसमाणा, सरोदगसमाणा, सागरोदगसमाणा ॥
जीव-पदं
६०८. चउव्विहा संसारसमावण्णगा जीवा पण्णत्ता, तं जहा - णेरइया तिरिक्खजोणिया, मणुस्सा, देवा ॥
६०६. चउव्विहा सव्वजीवा पण्णत्ता, तं जहा - मणजोगी, वइजोगी, कायजोगी,
अजोगी ।
अहवा - चउव्विहा सव्वजीवा पण्णत्ता, तं जहा - इत्थिवेयगा, पुरिसवेयगा, पुंसकवेयगा, अवेयगा ।
अहवा - चउव्विहा सव्वजीवा पण्णत्ता, तं जहा - चक्खुदंसणी, अचक्खुदंसणी, ओहिदंसणी, केवलदंसणी ।
Jain Education International
अहवा - चउव्विहा सव्वजोवा पण्णत्ता, तं जहा - संजया, असंजया, संजयासंजया, गोसंजया णोअसंजया ||
मित्त अमित्त-पदं
६१० चत्तारि पुरिसजाया पण्णत्ता, तं जहा - मित्ते णाममेगे मित्ते, मित्ते णाममेगे अमित्ते. अमित्ते णाममेगे मित्ते, अमित्ते णाममेगे अमित्तं ॥
For Private & Personal Use Only
www.jainelibrary.org
