________________
६७३
चउत्थं ठाणं (चउत्थो उद्देसो)
एवामेव चउविहे चरित्ते पण्णत्ते, तं जहा-भिण्णे', 'जज्जरिए, परिस्साई ,
अपरिस्साई॥ महु-विस-पदं ५९६. चत्तारि कुंभा पण्णत्ता, तं जहा-महुकुंभे णाममेगे महुपिहाणे, महुकुंभे णाममेगे
विसपिहाणे, विसकुंभे णाममेगे महुपिहाणे, विसकंभे णाममेगे विसपिहाणे। एवामेव चत्तारि पुरिसजाया पण्णत्ता, तं जहा-महुकुंभे णाममेगे महुपिहाणे, महुकुंभे णाममेगे विसपिहाणे, विसकुंभे णाममेगे महुपिहाणे, विसकुंभे णाममेगे
विसपिहाणे। संगहणी-गाहा
हिययमपावकलुसं, जीहाऽवि य महुरभासिणी णिच्चं । जम्मि पुरिसम्मि विज्जति, से मधुकुंभे मधुपिहाणे ॥१॥ हिययमपावकलुसं, जीहाऽवि य कडुयभासिणी णिच्चं । जम्मि पुरिसम्मि विज्जति, से मधुकुंभे विसपिहाणे ॥२॥ जं हिययं कलुसमयं, जीहाऽवि य मधुरभासिणी णिच्चं । जम्मि पुरिसम्मि विज्जति, से विसकुंभे महुपिहाणे ॥३॥ जं हिययं कलुसमयं, जीहाऽवि य कडुयभासिणी णिच्चं ।
जम्मि पुरिसम्मि विज्जति, से विसकुंभे विसपिहाणे ॥४॥ उवसग्ग-पदं ५६७. चउविवहा उवसग्गा पण्णत्ता, तं जहा-दिव्वा, माणुसा, तिरिक्खजोणिया,
आयसंचेयणिज्जा। ५६८. दिव्वा उवसग्गा चउविवहा पण्णत्ता, तं जहा–'हासा, पाओसा," वीमंसा,
पुढोवेमाता ॥ ५६६. माणुसा' उवसग्गा वउव्विहा पण्णता, तं जहा-हासा, पाओसा, वीमंसा,
कुसीलपडिसेवणया । ६००. तिरिक्खजोणिया उवसग्गा चउविवहा पण्णत्ता, तं जहा-भया', पदोसा, आहार
हेउं, अवच्चलेण-सारक्खणया ।। ६०१. आयसंचेयणिज्जा उवसग्गा चउव्विहा पण्णत्ता, तं जहा-घट्टणता, पवडणता,
थंभणता, लेसणता॥
१. सं० पा०-भिण्णे जाव अपरिस्साई। २. आयसंवेय (क)। ३. हास पउस (ख)।
४. माणुस्सा (ग)। ५. भता (क, ख, ग)।
Jain Education International
For Private & Personal Use Only
www.jainelibrary.org
