________________
चउत्यं ठाणं (च उत्थो उद्देसो)
६७१
काम-पदं ५८३. चउव्विहा कामा पण्णत्ता, तं जहा-सिंगारा, कलुणा, बीभच्छा, रोहा। सिंगारा
कामा देवाणं, कलुणा कामा मणुयाणं, बीभच्छा कामा तिरिक्खजोणियाणं,
रोद्दा कामा णेरइयाणं ।। उत्ताण-गंभीर-पदं ५८४. चत्तारि उदगा पण्णत्ता, तं जहा-उत्ताणे णाममेगे उत्ताणोदए, उत्ताणे णाम
मेगे गंभीरोदए, गंभीरे णाममेगे उत्ताणोदए, गंभीरे णाममेगे गंभीरोदए । एवामेव चत्तारि पुरिसजाया पण्णत्ता, तं जहा-उत्ताणे णाममेगे उत्ताणहिदए, उत्ताणे णाममेगे गंभीरहिदए, गंभीरे णाममेगे उत्ताणहिदए, गंभीरे णाममेगे
गंभीरहिदए। ५८५. चत्तारि उदगा पण्णत्ता, तं जहा-उत्ताणे णाममेगे उत्ताणोभासी, उत्ताणे
णाममेगे गंभीरोभासी, गंभीरे णाममेगे उत्ताणोभासी, गंभीरे णाममेगे गंभीरोभासी। एवामेव चत्तारि पुरिसजाया पण्णत्ता, तं जहा-उत्ताणे णाममेगे उत्ताणोभासो, उत्ताणे णाममेगे गंभीरोभासी, गंभीरे णाममेगे उत्ताणोभासी, गंभीरे णाममेगे
गंभीरोभासी॥ ५८६. चत्तारि उदही पण्णत्ता, तं जहा-उत्ताणे णाममेगे उत्ताणोदही, उत्ताणे णाम
मेगे गंभीरोदही, गंभीरे णाममेगे उत्ताणोदही, गंभीरे णाममेगे गंभीरोदही। एवामेव चत्तारि पुरिसजाया पण्णत्ता, तं जहा -उत्ताणे णाममेगे उत्ताणहियए, उत्ताणे णाममेगे गंभीरहियए, गंभीरे णाममेगे उत्ताणहियए, गंभीरे णाममेगे
गंभीरहियए॥ ५८७. चत्तारि उदही पण्णत्ता, तं जहा-उत्ताणे णाममेगे उत्ताणोभासी, उत्ताणे
णाममेगे गंभीरोभासी, गंभीरे णाममेगे उत्ताणोभासी, गंभीरे णाममेगे गंभीरोभासी। एवामेव चत्तारि पुरिसजाया पण्णत्ता, तं जहा-उत्ताणे णाममेगे उत्ताणोभासी, उत्ताणे णाममेगे गंभीरोभासी, गंभीरे णाममेगे उत्ताणोभासी, गंभीरे णाममेगे
गंभीरोभासी॥ तरग-पदं ५८८. चत्तारि तरगा पण्णत्ता,तं जहा-समुदं तरामीतेगे समुदं तरति, समुदं तरामीतेगे
गोप्पयं' तरति,गोप्पयं तरामीतेगे समुदं तरति,गोप्पयं तरामीतेगे गोप्पयं तरति।।
१. गोप्पतं (क, ख, ग) सर्वत्र ।
Jain Education International
For Private & Personal Use Only
www.jainelibrary.org
