________________
६७०
पव्वज्जा-पदं
५७१. चउव्विहा पव्वज्जा पण्णत्ता, तं जहा - इहलोगपडिबद्धा, परलोगपडिबद्धा, दुहतो लोग डिबद्धा, अप्पडिबद्धा ||
५७२ - चउव्विहा पव्वज्जा पण्णत्ता, तं जहा - पुरओपडिबद्धा, मग्गओपडिबद्धा, दुहतोडबद्धा, अप्पबिद्धा ||
ठाण
५७३. चउव्विहा पव्वज्जा पण्णत्ता, तं जहा - ओवायपव्वज्जा, अक्खातपव्वज्जा, संगारपव्वज्जा, विहगगइपव्वज्जा' ॥
५७४. चउव्विहा पव्वज्जा पण्णत्ता, तं जहा - तुयावइत्ता, पुयावइत्ता, बुआवइत्ता', परियावइत्ता ॥
५७५. चउव्विहा पव्वज्जा पण्णत्ता, तं जहा - णडखइया, भडखइया, सोहखइया, सियालखइया ||
५७६. चउव्विहा किसी पण्णत्ता, तं जहा - वाविया, परिवाविया, णिदिता परिणिदिता ।
एवामेव चउव्विहा पव्वज्जा पण्णत्ता, तं जहा - वाविता, परिवाविता, णिदिता, परिणिदिता ॥
५७७. चउव्विहा पव्वज्जा पण्णत्ता, तं जहा - घण्णपुंजितसमाणा धण्णविरल्लितसमाणा, धण्णविक्खित्तसमाणा, धण्णसंकट्टितसमाणा ||
सण्णा-पदं
५७८. चत्तारि सण्णाओ पण्णत्ताओ, तं जहा - आहारसण्णा, भयसण्णा, मेहुणसण्णा, परिग्गहसण्णा ||
५७६. चउहि ठाणेहिं आहारसण्णा समुप्पज्जति, तं जहा - ओमकोट्ठताए, छुहावेणिज्जस्स कम्मस्स उदएणं, मतीए, तदट्ठोवओगेणं ॥
५८०. चउहि ठाणेहिं भयसण्णा समुप्पज्जति, तं जहा - हीणसत्तताए, भयवेयणिज्जस्स' कम्मस्स उदएणं, मतीए, तदट्ठोवओगेणं ॥
५८१. चउहि ठाणेहिं मेहुणसण्णा समुप्पज्जति, तं जहा - चितमंससोणिययाए, मोहणिज्जस्स कम्मस्स उदएणं, मतीए, तदट्ठोवओगेणं ॥
५८२. चउहि ठाणेहिं परिग्गहसण्णा समुप्पज्जति, तं जहा - अविमुत्तयाए, लोभवेणिज्जस्स' कम्मस्स उदएणं, मतीए, तदट्ठोवओगेणं ॥
१. विहगपव्वज्जा ( क, ख, ग, वृपा) । २. उयावइत्ता (वृपा) ।
३. मोयावइत्ता (क, ख, ग, वृपा) ।
Jain Education International
४. परिपूयावइत्ता (क, ग ); परिवुयावइत्ता
(ख, वृ) ।
५. भयमोहणिज्जस ( क) ।
६. लोभमोहणिज्जस्स ( क ) ।
For Private & Personal Use Only
www.jainelibrary.org
