Page Text
________________
६४०
ठाणं
उच्चणीय-पदं ३६८. चत्तारि पुरिसजाया पण्णत्ता, तं जहा-उच्चे णाममेगे उच्चच्छंदे, उच्चे
__णाम मेगे णीयच्छंदे, णीए' णाममेगे उच्चच्छंदे, णीए णाममेगे णीयच्छंदे ।। लेसा-पदं ३६६. असुरकुमारा चत्तारि लेसाओ पण्णत्ताओ, तं जहा-कण्हलेसा, णीललेसा,
काउलेसा, तेउलेसा॥ ३७०. एवं जाव' थणियकुमाराणं । एवं-पुढविकाइयाणं आउ-वणस्सइकाइयाणं
वाणमंतराणं-सवेसि जहा असुरकुमाराणं ॥ जुत्त-अजुत्त-पदं ३७१. चत्तारि जाणा पण्णत्ता, तं जहा–जुत्ते गाममेगे जुत्ते, जुत्ते णाममेगे अजुत्ते,
अजुत्ते णाममेगे जुत्ते, अजुत्ते णाममेगे अजुत्ते। एवामेव चत्तारि पुरिसजाया पण्णत्ता, तं जहा-जुत्ते णाममेगे जुत्ते, जुत्ते
णाममेगे अजुत्ते, अजुत्ते णाममेगे जुत्ते, अजुत्ते णाममेगे अजुत्ते ॥ ३७२. चत्तारि जाणा पण्णत्ता, तं जहा-जुत्ते णाममेगे जुत्तपरिणते, जुत्ते णाममेगे
अजुत्तपरिणते, अजुत्ते णाममेगे जुत्तपरिणते, अजुत्ते णाममेगे अजुत्तपरिणते । एवामेव चत्तारि पुरिसजाया पण्णता, तं जहा---जुत्ते णाममेगे जुत्तपरिणते, जुत्ते णाममेगे अजुत्तपरिणते, अजुत्ते णाममेगे जुत्तपरिणते, अजुत्ते णाममेगे
अजुत्तपरिणते ॥ ३७३. चत्तारि जाणा पण्णत्ता, तं जहा-जुत्ते णाममेगे जुत्तरूवे, जुत्ते णाममेगे
अजुत्तरूवे, अजुत्ते णाममेगे जुत्तरूवे, अजुत्ते णाममेगे अजुत्तरूवे ॥ एवामेव चत्तारि पुरिसजाया पण्णत्ता, तं जहा - जुत्ते णाममेगे जुत्तरूवे, जुत्ते
णाममेगे अजुत्तरूवे, अजुत्ते णाममेगे जुत्तरूवे, अजुत्ते णाममेगे अजुत्तरूवे ॥ ३७४. चत्तारि जाणा पण्णत्ता, तं जहा--जुत्ते णाममेगे जुत्तसोभे, जुत्ते णाममेगे
अजुत्तसोभे, अजुत्ते णाममेगे जुत्तसोभे, अजुत्ते णाममेगे अजुत्तसोभे। एवामेव चत्तारि पुरिसजाया पण्णत्ता, तं जहा-जुत्ते णाममेगे जुत्तसोभे, जुत्ते णाममेगे अजुत्तसोभे, अजुत्ते णाममेगे जुत्तसोभे, अजुत्ते णाममेगे
अजुत्तसोभे ॥ ३७५. चत्तारि जुग्गा पण्णत्ता, तं जहा-जुत्ते णाममेगे जुत्ते, जुत्ते णाममेगे अजुत्ते,
अजुत्ते णाममेगे जुत्ते, अजुत्ते णाममेगे अजुत्ते।। एवामेव चत्तारि पुरिसजाया पण्णत्ता, तं जहा--जुत्ते णाममेगे जुत्ते, जुत्ते
णाममेगे अजुत्ते, अजुत्ते णाममेगे जुत्ते, अजुत्ते णाममेगे अजुत्ते ॥ १. णीते (क, ख, ग)।
२. ठा० १।१४३-१५० ।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |