Page Text
________________
चउत्थं ठाणं (तइओ उद्देसो)
६४१ ३७६. "चत्तारि जुग्गा पण्णत्ता, तं जहा-जुत्ते णाममेगे जुत्तपरिणते, जुत्ते णाममेगे
अजुत्तपरिणते, अजुत्ते णाममेगे जुत्तपरिणते, अजुत्ते णाममेगे अजुत्तपरिणते । एवामेव चत्तारि पुरिसजाया पण्णत्ता, तं जहा-जुत्ते णाममेगे जुत्तपरिणते, जुत्ते णाममेगे अजुत्तपरिणत्ते, अजुत्ते णाममेगे जुतपरिणते, अजुत्ते णाममेगे
अजुत्तपरिणते ।। ३७७. चत्तारि जुग्गा पण्णत्ता, तं जहा-जुत्ते णाममेगे जुत्तरूवे, जुत्ते णाममेगे
अजुत्तरूवे, अजुत्ते णाममेगे जुत्तरूवे, अजुत्ते णाममेगे अजुत्तरूवे । एवामेव चत्तारि पुरिसजाया पण्णता, तं जहा-जुत्ते णाममेगे जुत्तरूवे, जुत्ते
णाममेगे अजुत्तरूवे, अजुत्ते णाममेगे जुत्तरूवे, अजुत्ते णाममेगे अजुत्तरूवे ॥ ३७८. चत्तारि जुग्गा पण्णत्ता, तं जहा-जुत्ते णाममेगे जुत्तसोभे, जुत्ते णाममेगे
अजुत्तसोभे, अजुत्ते णाममेगे जुत्तसोभे, अजुत्ते णाममेगे अजुत्तसोभे। एवामेव चत्तारि पुरिसजाया पण्णता, तं जहा--जुत्ते णाममेगे जुत्तसोभे, जुत्ते
णाममेगे अजुत्तसोभे, अजुत्ते णाममेगे जुत्तसोभे, अजुत्ते णाममेगे अजुत्तसोभे ।। सारहि-पदं ३७६. चत्तारि सारही पण्णत्ता, तं जहा--जोयावइत्ता णामं एगे णो विजोयावइत्ता,
विजोयावइत्ता णाममंगे णो जोयावइत्ता, एगे जोयावइत्तावि विजोयावइत्तावि, एगे णो जोयावइत्ता णो विजोयावइत्ता। एवामेव चत्तारि पुरिसजाया पण्णत्ता, तं जहा-जोयाव इत्ता णाम एगे णो विजोयावइत्ता, विजोयावइत्ता णामं एगे णो जोयावइत्ता, एगे जोयावइत्तावि
विजोयावइत्तावि, एगे णो जोयावइत्ता णो विजोयावइत्ता ॥ जुत्त-अजुत्त-पदं ३८०. चत्तारि हया पण्णत्ता, तं जहा-जुत्ते णाममेगे जुत्ते, जुत्ते णाममेगे अजुत्ते,
अजुत्ते णाममेगे जुत्ते, अजुत्ते णाम मेगे अजुत्ते। एवामेव चत्तारि पुरिसजाया पण्णत्ता, तं जहा-जुत्ते णाममेगे जुत्ते, जुत्ते
णाममेगे अजुत्ते, अजुत्ते णाम मेगे जुत्ते, अजुत्ते णाममेगे अजुत्ते ॥ ३८१. "चत्तारि हया पण्णत्ता, तं जहा- जुत्ते णाममेगे जुत्तपरिणते, जुत्ते णाममेगे
अजुत्तपरिणते, अजुत्ते णाममेगे जुत्तपरिणते, अजुत्ते णाममेगे अजुत्तपरिणते। एवामेव चत्तारि पुरिसजाया पण्णत्ता, तं जहा जुत्ते णाममेगे जुत्तपरिणते, जुत्ते णाममेगे अजुत्तपरिणते, अजुत्ते णाममेगे जुत्तपरिणते, अजुत्ते णाममेगे अजुत्त
परिणते ॥ १. सं० पा०—एवं जहा जाणेण "पुरिसजाया २. स० पा०–एवं जुत्तपरिणते "पुरिसजाता।
जाव सोभेत्ति ।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |