________________
६२०
ठाणं
कहा-पदं २४६. चउव्विहा कहा' पण्णत्ता, तं जहा-अक्खेवणी, विक्खेवणी, संवेयणी',
णिव्वेदणी ॥ २४७. अक्खेवणी कहा चउविवहा पण्णत्ता, तं जहा-आयारअक्खेवणी, ववहार
अक्खेवणी, पण्णत्तिअक्खेवणी', दिट्ठिवातअक्खेवणी ॥ २४८. विक्खेवणी कहा चउव्विहा पण्णत्ता, तं जहा-ससमयं कहेइ ससमयं कहित्ता
परसमयं कहेइ, परसमयं कहेत्ता ससमयं ठावइता' भवति, सम्मावायं कहेइ सम्मावायं कहेत्ता मिच्छावायं कहेइ, मिच्छावायं कहेत्ता सम्मावायं ठावइता'
भवति ॥ २४६. संवेयणी कहा चउव्विहा पण्णता, तं जहा–इहलोगसंवेयणी, परलोगसंवेयणी,
आतसरीरसंवेयणी, परसरीरसंवेयणी ॥ २५०. णिव्वेदणी कहा चउव्विहा पण्णत्ता, तं जहा
१. इहलोगे दुच्चिण्णा कम्मा इहलोगे दुहफलविवागसंजुत्ता भवति । २. इहलोगे दुच्चिण्णा कम्मा परलोगे दुह फलविवागसंजुत्ता भवति । ३. परलोगे दचिण्णा कम्मा इहलोगे दहफलविवागसंजुत्ता भवति । ४. परलोगे दुच्चिण्णा कम्मा परलोगे दुहफलविवागसंजुत्ता भवंति । १. इहलोगे सुचिण्णा कम्मा इहलोगे सुहफलविवागसंजुत्ता भवंति । २. इहलोगे सुचिण्णा कम्मा परलोगे सुहफलविवागसंजुत्ता भवति । ३. परलोगे सूचिण्णा कम्मा इहलोगे सुहफलविवागसंजूत्ता भवंति ।
४. परलोगे सुचिण्णा कम्मा परलोगे सुहफलविवागसंजुत्ता भवंति ॥ किस-दढ-पदं २५१. चत्तारि पुरिसजाया पण्णता, तं जहा-किसे णाममेगे किसे, किसे णाममेगे
दढे, दढे णाममेगे किसे, दढे णाममेगे दढे । २५२. चत्तारि पुरिसजाया पण्णत्ता, तं जहा-किसे णाममेगे किससरीरे, किसे णाम
मेगे दढसरीरे, दढे णाममगे किससरीरे, दढे णाममेगे दढसरीरे ॥ २५३. चत्तारि पुरिसजाया पण्णत्ता, तं जहा-किससरीरस्स णाममेगस्स णाणदंसणे
१. धम्मकहा (क्व)। २. सवेगणी (क, ख, ग) सर्वत्र । ३. निव्वेगणी (ख, ग)। ४. पन्नत्तिखेवणी (क, ग)। ५. ठावतित्ता (क, ख); ठवइत्ता (ग)।
६. ° वातं (क, ख, ग)। ७. ठावतित्ता (क, ख); ठवेत्ता (ग)। ८. °लोग (क)। ६. सं० पा०–एवं चउभंगो तहेव ।
Jain Education International
For Private & Personal Use Only
www.jainelibrary.org
