________________
चउत्थं ठाणं (बीओ उद्देसो) २४०. चत्तारि हत्थी पण्णत्ता, तं जहा-संकिण्णे णाममेगे भद्दमणे, संकिण्णे णाममेगे
मंदमणे, संकिण्णे णाममेगे मियमणे, संकिण्णे णाममेगे संकिण्णमणे।। एवामेव चत्तारि पुरिसजाया पण्णत्ता, तं जहा-संकिण्णे णाममेगे भद्दमणे, "संकिण्णे णाममेगे मंदमणे, संकिण्णे णाममेगे मियमणे °, संकिण्णे णाममेगे
संकिण्णमणे। संगहणी-गाहा
मधुगुलिय-पिंगलक्खो, अणुपुटव-सुजाय-दीहणंगूलो । पुरओ उदग्गधीरो, सव्वंगसमाधितो भद्दो ॥१॥ चल-बहल-विसम-चम्मो, थूलसिरो' थलएण पेएण। थूलणह-दंत-वालो, हरिपिंगल-लोयणो मंदो ॥२॥ तणुओ तणुयग्गीवो', तणुयतओ' तणुयदंत-णह-वालो। भीरू तत्थुव्विग्गो, तासी य भवे मिए णामं ॥३॥ एतेसि हत्थीणं 'थोवा थोव', तु जो अणुहरति हत्थी। रूवेण व सीलेण व, सो संकिण्णोत्ति णायव्वो ॥४॥ भद्दो मज्जइ सरए, मंदो उण मज्जते वसंतंमि।
मिउ मज्जति हेमंते, संकिण्णो सव्वकालंमि ॥५॥ विकहा-पदं २४१. चत्तारि विकहाओ पण्णत्ताओ, तं जहा-इत्थिकहा, भत्तकहा, देसकहा,
रायकहा ।। २४२. इत्थिकहा चउव्विहा पण्णत्ता, तं जहा–इत्थीणं जाइकहा, इत्थीणं कुलकहा,
इत्थीणं रूवकहा, इत्थीणं णेवत्थकहा ॥ २४३. भत्तकहा चउव्विहा पण्णत्ता, तं जहा–भत्तस्स आवावकहा', भत्तस्स
णिव्वावकहा, भत्तस्स आरंभकहा, भत्तस्स गिट्ठाणकहा ॥ २४४.
देसकहा चउव्विहा पण्णत्ता, तं जहा---देसविहिकहा, देसविकप्पकहा, देसच्छंद
कहा, देसणवत्थकहा ॥ २४५. रायकहा चउव्विहा पण्णत्ता, तं जहा-रण्णो अतियाणकहा, रणो
णिज्जाणकहा, रण्णो बलवाहणकहा, रण्णो कोसकोट्ठागारकहा ।।
१. सं० पा०-तं चेव जाव संकिण्णे । २. थुल्लसिरो (क, ग)। ३. तणुतग्गीवो (क, ख, ग)। ४. तणुयततो (क, ख, ग) । ५. थोवं थोवं (क्व)।
६. आवाहकहा (क, ग); अबोहकहा (ख) । ७. णिव्वाहकहा (क, ग); णिच्चावकहा(ख)। ८. णिट्ठावणकहा (क, ग)। ६. अतिताण ° (क, ख, ग)।
Jain Education International
For Private & Personal Use Only
www.jainelibrary.org
