________________
६०२
६१. अट्ट झाणे चउब्विहे पण्णत्ते, तं जहा
१. अमणुण्ण' - संपओग-संपत्ते, तस्स विप्पओग-सति-समण्णागते यावि भवति । २. मणुण्ण - संपओग-संपत्ते, तस्स अविप्पओग-सति-समण्णागते यावि भवति । ३. आतंक - संपओग - संपउत्ते, तस्स विप्पओग-सति समण्णागते यावि भवति । ४. परिजुसित - काम- ' भोग-संपओग- संपउत्ते" तस्स अविप्पओग-सति - समण्णागते यावि भवति ॥
६२. अट्टस्स णं झाणस्स चत्तारि लक्खणा पण्णत्ता, तं जहा- कंदणता, सोयणता, तिप्पणता, परिदेवणता ॥
६३. रोद्दे झाणे चउव्विहे पण्णत्ते, तं जहा - हिंसाणुबंधि, मोसाणुबंधि, तेणाणुबंधि, सारक्खणाणुबंधि ।।
६४. रुद्दस्स णं झाणस्स चत्तारि लवखणा पण्णत्ता, तं जहा -- ओसण्णदोसे, बहुदोसे, अण्णा दोसे', आमरणंतदोसे ||
ठाण
६५. धम्मे झाणे चउविहे चउप्पडोयारे' पण्णत्ते, तं जहा आणाविजए", अवायविजए, विवागविजए, ठाणविजए ||
६६. धम्मस्स णं भाणस्स चत्तारि लक्खणा पण्णत्ता, तं जहा -- आणारुई, सिगरई सुत्तरुई, ओगाढरुई ||
६७. धम्मस्स णं झाणस्स चत्तारि आलंवणा पण्णत्ता, तं जहा -- वायणा, पडिपुच्छणा, परिट्टणा, अणुप्पेहा ॥
६८. धम्मस्स णं झाणस्स चत्तारि अणुप्पेहाओ पण्णत्ताओ, तं जहा- एगाणुप्पेहा, अणिच्चाणुप्पेहा, असरणाणुप्पेहा, संसाराणुप्पेहा ॥
-
६६. सुक्के झाणे चउब्विहे चउप्पडोआरे' पण्णत्ते, तं जहा पुहत्तवितक्के सवियारी, गत्तवितक्के अवियारी, सुहुमकिरिए अणियट्टी, समुच्छिण्णकिरिए अप्पडिवाती ॥
७०. सुक्कस्स णं झाणस्स चत्तारि लक्खणा पण्णत्ता, तं जहा - अव्वहे, असम्मोहे, विवेगे, विउस्सग्गे ।।
१. असमणुन्न ० (क, ग, वृपा) ।
२. परिभूसिय (क, ग, वृपा) ।
३. भोगसंपत्ते (वृ); भोगसंपओगसंपउत्ते
(वृपा) ।
४. सोणता (क, ख, ग ) ।
५. नाणाविहदोसे ( वृपा ) ।
Jain Education International
६. चउप्पयावयारं (वृ); चउप्पडोयारं (वृपा) ।
७. ० विजते ( क, ख, ग ) ।
८. उप्पओआरे ( ग ) ।
६. पुहुप्त ( ख ) । १०. ० किरिते ( क, ख, ग ) ।
For Private & Personal Use Only
www.jainelibrary.org
