________________
५८८
ठाणं
२. कया णं अहं मुंडे भवित्ता अगाराओ अणगारितं पव्वइस्सामि ? ३. कया णं अहं अपच्छिममारणंतियसलेहणा-झूसणा-झसिते भत्तपाणपडियाइक्खिते पाओवगते कालं अणवकखमाणे विहरिस्सामि एवं समणसा सवयसा सकायसा पागडेमाणे समणोवासए महाणिज्जरे
महापज्जवसाणे भवति ।। पोग्गलपडिघात-पदं ४६८. तिविहे पोग्गलपडिघाते पण्णत्ते, तं जहा-परमाणुपोग्गले परमाणुपोग्गलं पप्प
पडिहण्णिज्जा, लुक्खत्ताए वा पडिहण्णिज्जा', लोगते वा पडिहणिज्जा ।। चक्खु-पदं ४६६. तिविहे चक्खू पण्णत्ते, तं जहा--एगचक्खू, बिचक्खू, तिचक्खू ।
छउमत्थे णं मणुस्से एगचक्खू, देवे बिचक्खू, तहारूवे समणे वा माहणे वा
उप्पण्णणाणदंसणधरे' तिचक्खुत्ति वत्तव्वं सिया ॥ अभिसमागम-पदं ५००. तिविधे अभिसमागमे पण्णत्ते, तं जहा-उड्ढं, अहं, तिरियं ।
जया णं तहारूवस्स समणस्स वा माहणस्स वा अतिसेसे णाणदंसणे समुप्पज्जति, से णं तप्पढमताए उड्डमभिसमेति, ततो तिरियं, ततो पच्छा
अहे । अहोलोगे णं दुरभिगमे पण्णत्ते समणाउसो ! इडिढ-पदं ५०१. तिविधा इड्डी पण्णत्ता, तं जहा-देविड्डी, राइड्डी, गणिड्डी ।। ५०२. देविड्डी तिविहा पण्णत्ता, तं जहा-विमाणिड्डी, विगुव्वणिड्डी', परियारणिड्डी।
अहवा-देविड्डी तिविहा पण्णत्ता, तं जहा-सचित्ता, अचित्ता, मीसिता ॥ ५०३. राइड्डी तिविधा पण्णत्ता, तं जहा-रण्णो अतियाणिड्डी, रणो णिज्जाणिड्डी,
रण्णो बल-वाहण-कोस-कोट्ठागारिड्डी।। ___ अहवा-राइड्डी तिविहा पण्णत्ता, तं जहा–सचित्ता, अचित्ता, मीसिता॥ ५०४. गणिड्डी तिविहा पण्णत्ता, तं जहा-णाणिड्डी, दंसणिड्डी, चरित्तिड्डी।
अहवा---गणिड्डी तिविहा पण्णत्ता, तं जहा–सचित्ता, अचित्ता, मीसिता ।। गारव-पदं ५०५. तओ गारवा पण्णत्ता, तं जहा- इड्डीगारवे, रसगारवे, सातागारवे ॥
१. पडिहणेज्जा (ख)। २. °धरे से णं (क, ख)।
३. विगुवि ० (क, ग)। ४. रातिड्डी (क, ख, ग)।
Jain Education International
For Private & Personal Use Only
www.jainelibrary.org
