________________
५८७
तइयं ठाणं (चउत्थो उद्देसो) ४८६. पुढविकाइयाणं तओ सरीरगा पण्णत्ता, तं जहा-ओरालिए, तेयए, कम्मए । ४८७. एवं-वाउकाइयवज्जाणं जाव' चउरिदियाणं ।। पडिणीय-पदं ४८८. गुरुं पडुच्च तओ पडिणीया' पण्णत्ता, तं जहा-आयरियपडिणीए, उवज्झाय
पडिणीए, थेरपडिणीए॥ ४८६. गति पडुच्च तओ पडिणीया पण्णत्ता, तं जहा-इहलोगपडिणीए, परलोग
पडिणीए, दुहओलोगपडिणीए॥ ४६०. समूहं पडुच्च तओ पडिणोया पण्णत्ता, तं जहा–कुलपडिणीए, गणपडिणीए,
संघपडिणीए॥ ४६१. अणुकंपं पडुच्च तओ पडिणीया पण्णत्ता, तं जहा-तवस्सिपडिणीए,
गिलाणपडिणीए, सेहपडिणीए । ४६२. भावं पडुच्च तओ पडिणीया पण्णत्ता, तं जहा–णाणपडिणीए, दंसणपडिणीए,
चरित्तपडिणीए॥ ४६३. सुयं पडुच्च तओ पडिणीया पण्णत्ता, तं जहा-सुत्तपडिणीए, अत्थपडिणीए,
तदुभयपडिणीए ॥ अंग-पदं ४६४. तओ पितियंगा पण्णत्ता, तं जहा—अट्ठी, अद्विमिजा, केसमंसूरोमणहे। ४६५. तओ माउयंगा पण्णत्ता, तं जहा–मसे, सोणिते, मत्थुलिंगे । मणोरह-पदं ४६६. तिहिं ठाणेहि समणे णिग्गंथे महाणिज्जरे महापज्जवसाणे भवति, तं जहा--
१. कया णं अहं अप्पं वा बहुयं वा सुयं अहिज्जिस्सामि ? २. कया णं अहं एकल्लविहारपडिम उवसंपज्जित्ता णं विहरिस्सामि ? ३. कया णं अहं अपच्छिममारणंतियसंलेहणा-झूसणा-झूसिते भत्तपाणपडियाइक्खिते पाओवगते कालं अणवकंखमाणे विहरिस्सामि ? एवं समणसा सवयसा सकायसा पागडेमाणे' समणे निग्गंथे महाणिज्जरे
महापज्जवसाणे भवति ॥ ४६७. तिहिं ठाणेहिं समणोवासए" महाणिज्जरे महापज्जवसाणे भवति, तं जहा
१. कया णं अहं अप्पं वा बहुयं वा परिग्गहं परिचइस्सामि ?
१. ठा० १११५३, १५४, १५६-१५६ । २. पडिणीता (क, ख, ग)। ३. पहारेमाणे (वृ); पागडेमाणे (वृपा)।
४. ४ (क)। ५. समणोवासते (क, ख, ग)।
Jain Education International
For Private & Personal Use Only
www.jainelibrary.org
