________________
तइयं ठाणं (चउत्थो उद्देसो)
५८६
करण-पदं ५०६. तिविहे करणे पण्णते, तं जहा-धम्मिए करणे, अधम्मिए करणे, धम्मिया
धम्मिए करणे ॥ सुयक्खायधम्म-पदं ५०७. तिविहे भगवता धम्मे पण्णत्ते, तं जहा--सुअधिज्झिते, सुज्झाइते', सुतवस्सिते ।
जया सुअधिज्झितं भवति तदा सुज्झाइतं भवति, जया सुज्झाइतं भवति तदा सुतवस्सितं भवति, से सुअधिज्झिते सुज्झाइते सुतवस्सिते सुयक्खाते णं
भगवता धम्मे पण्णत्ते ॥ जाणु-अजाणु-पदं ५०. तिविधा वावतो पण्णत्ता. तं जहा--जाण, अजाण. वितिगिच्छा। ५०६. "तिविधा अज्झोववज्जणा पण्णता, तं जहा-जाणू, अजाणू, वितिगिच्छा ॥ ५१०. तिविधा परियावज्जणा पण्णता, तं जहा-जाणू, अजाणू, वितिगिच्छा ॥ अंत-पदं ५११. तिविधे अंते पण्णत्ते, तं जहा-लोगते, वेयंते, समयंते ।। जिण-पदं ५१२. तओ जिणा पण्णत्ता, तं जहा-ओहिणाणजिणे, मणपज्जवणाणजिणे,
केवलणाणजिणे ॥ ५१३. तओ केवली पण्णत्ता, तं जहा-ओहिणाणकेवली, मणपज्जवणाणकेवली,
केवलणाणकेवली ॥ ५१४. तओ अरहा पण्णत्ता, तं जहा-ओहिणाणअरहा, मणपज्जवणाणअरहा,
केवलणाणअरहा। लेसा-पदं ५१५. तओ लेसाओ दुब्भिगंधाओ पण्णत्ताओ, तं जहा–कण्हलेसा, णीललेसा,
काउलेसा॥ ५१६. तओ लेसाओ सुब्भिगंधाओ पण्णत्ताओ, तं जहा–तेउलेसा, पम्हलेसा,
सुक्कलेसा ॥ ५१७. "तओ लेसाओ-दोग्गतिगामिणीओ, संकिलिट्ठाओ, अमणुण्णाओ, अविसुद्धाओ,
१. सुज्झातिते (क, ख, ग)। २. सुतक्खाते (क, ख, ग)। ३. सं० पा०-एवमझोवज्जणा परियावज्जणा। ४. मझोवज्जणा (क, ख, ग) । ५. सं० पा०–एवं दोग्गतिगामिणीओ सोगति
गामिणीओ, संकिलिट्ठाओ असंकि लिट्ठाओ, अमणण्णाओ मणण्णाओ, अविसूद्धाओ विसुद्धाओ, अप्पसत्थाओ पसत्थाओ, सीतलुक्खाओ णि ण्हाओ।
Jain Education International
For Private & Personal Use Only
www.jainelibrary.org
