________________
तइयं ठाणं (तइओ उद्देसो)
५७६ ४१३. तिविधे अणुग्गहे पण्णत्ते, तं जहा-आयअणुग्गहे, परअणुग्गहे, तदुभयअणुग्गहे। ४१४. तिविधा अणुसट्ठी पण्णत्ता, तं जहा-आयअणुसट्ठो, परअणुसट्ठो, तदुभय
__ अणुसट्ठी ॥ ४१५. तिविधे उवालंभे पण्णते, तं जहा-आओवालंभे, परोवालंभे, तदुभयोवालंभे ॥ तिवग्ग-पदं ४१६. तिविहा कहा पण्णत्ता, तं जहा-अत्थकहा, धम्मकहा, कामकहा ॥ ४१७. तिविहे विणिच्छए पण्णत्ते, तं जहा—अत्थविणिच्छए, धम्मविणिच्छए,
कामविणिच्छए॥ ४१८. तहारूवं णं भंते ! समणं वा माहणं वा पज्जुवासमाणस्स किंफला पज्जुवास
णया? सवणफला। से णं भंते ! सवणे किंफले ? णाणफले । से णं भंते ! णाणे किंफले? विण्णाणफले । १ से णं भंते ! विण्णाणे किंफले? पच्चक्खाणफले । से णं भंते ! पच्चक्खाणे किफले ? संजमफले । से णं भंते ! संजमे किंफले ! अणण्हयफले । से णं भंते ! अणण्हए किंफले ? तवफले। से णं भंते ! तवे किंफले ? वोदाणफले । से णं भंते ! वोदाणे किंफले? अकिरियफले । साणं भंते ! अकिरिया किंफला? णिव्वाणफला। से णं भंते ! णिव्वाणे किंफले ? सिद्धिगइ-गमण-पज्जवसाण-फले समणाउसो !
१. सं० पा०-एवमेतेणं अभिलावणं इमा गाहा अणगंतव्वा--सवणे "णिव्वाणे जाव से णं भंते !
Jain Education International
For Private & Personal Use Only
www.jainelibrary.org
