________________
तइयं ठाणं (तइओ उद्देसो)
- ५७१ विसंभोग-पदं ३५०. तिहिं ठाणेहि समणे णिग्गंथे साहम्मियं संभोगियं विसंभोगियं करेमाणे
णातिक्कमति, तं जहा-सयं वा दटुं, सड्ढयस्स' वा णिसम्म, तच्चं मोसं
आउट्टति, चउत्थं णो आउट्टति ॥ अणुण्णादि-पदं ३५१. तिविधा अणुण्णा पण्णत्ता, तं जहा—आयरियत्ताए, उवज्झायत्ताए, गणित्ताए । ३५२. तिविधा समणुण्णा पण्णत्ता, तं जहा - आयरियत्ताए, उवज्झायत्ताए,
गणित्ताए। ३५३. "तिविधा उवसंपया पण्णत्ता, तं जहा-आयरियत्ताए, उवज्झायत्ताए,
गणित्ताए। ३५४. तिविधा विजहणा पण्णत्ता, तं जहा - आयरियत्ताए, उवज्झायत्ताए,
गणित्ताए° ॥ वयण-पदं ३५५. तिविहे वयणे पण्णत्ते, तं जहा–तव्वयणे, तदण्णवयणे, णोअवयणे ।। ३५६. तिविहे अवयणे पण्णत्ते, तं जहा–णोतव्वयणे', णोतदण्णवयणे, अवयणे ।। मण-पदं ३५७. तिविहे मणे पण्णत्ते, तं जहा-तम्मणे, तयण्णमणे, णोअमणे । ३५८. तिविहे अमणे पण्णत्ते, तं जहा-णोतम्मणे, णोतयण्णमणे, अमण ।। वुट्ठि -पदं ३५६. तिहिं ठाणेहिं अप्पवुट्ठीकाए सिया, तं जहा
१. तस्सि च णं देसंसि वा पदेसंसि वा णो बहवे उदगजोणिया जीवा य पोग्गला
य उदगत्ताते वक्कमति विउक्कमति चयंति उववज्जति । २. देवा णागा जक्खा भूता णो सम्ममाराहिता भवंति, तत्थ समुट्टियं उदग___ पोग्गलं परिणतं वासितुकामं अण्णं देसं साहरंति। ३. अब्भवद्दलगं च णं समुट्ठितं परिणतं वासितुकामं वाउकाए विधुणति ।
इच्चेतेहिं तिहिं ठाणेहि अप्पवुट्ठिगाए सिया ॥
१. विसंभोतियं (क, ख)। २. सढियस्स (क, ख); सड्ढस्स (क्व)। ३. गणित्ताते (क, ख, ग)। ४. सं० पा०--एवं उवसंपया एवं विजहणा।
५. तवयणे (ख)। ६. अन्नत्थ (ख)। ७. पोग्गलं वा (क)।
Jain Education International
For Private & Personal Use Only
www.jainelibrary.org
