________________
ठाण
तस-थावर-पदं ३२६. तिविहा तसा पण्णत्ता, तं जहा-तेउकाइया, वाउकाइया, उराला तसा पाणा ।। ३२७. तिविहा थावरा पण्णत्ता, तं जहा-पुढविकाइया, आउकाइया वणस्सइकाइया ॥ अच्छेज्जादि-पदं ३२८. तओ अच्छेज्जा पण्णत्ता, तं जहा-समए, पदेसे, परमाणू ।। ३२६. "तओ अभेज्जा पण्णत्ता, तं जहा—समए, पदेसे, परमाणू ।। ३३०. तओ अडज्झा पण्णत्ता, तं जहा-समए, पदेसे, परमाणू ॥ ३३१. तओ अगिज्झा पण्णत्ता, तं जहा-समए, पदेसे, परमाणू ।। ३३२. तओ अणड्डा पण्णत्ता, तं जहा -समए, पदेसे, परमाणू ।। ३३३. तओ अमज्झा पण्णत्ता, तं जहा-समए, पदेसे, परमाणू ।। ३३४. तओ अपएसा पण्णत्ता, तं जहा - समए, पदेसे, परमाणू ।। ३३५. तओ अविभाइमा' पण्णत्ता, तं जहा-समए, पदेसे, परमाणू ।। दुक्ख-पदं ३३६. अज्जोति ! समणे भगवं महावीरे गोतमादी समणे निग्गंथे आमंतेत्ता एवं
वयासी - किंभया पाणा ? समणाउसो ! गोतमादी' समणा णिग्गंथा समणं भगवं महावीरं उवसंकमंति, उवसंकमित्ता वंदंति णमंसंति, वंदित्ता णमंसित्ता एवं वयासी–णो खलु वयं देवाणुप्पिया ! एयमढे जाणामो वा पासामो वा। तं जदि णं देवाणुप्पिया ! एयमद्वं णो गिलायंति परिकहित्तए, तमिच्छामो णं देवाणुप्पियाणं अंतिए एयमद्रं जाणित्तए। अज्जोति ! समणे भगवं महावीरे गोतमादी समणे निग्गंथे आमंतेत्ता एवं वयासी-दुक्खभया पाणा समणाउसो ! से णं भंते ! दुक्खे केण कडे ? जीवेणं कडे पमादेणं। से णं भंते ! दुक्खे कहं वेइज्जति ?
अप्पमाएणं ॥ ३३७. अण्णउत्थिया णं भंते ! एवं आइक्खंति एवं भासंति एवं पण्णवेंति एवं
परूवेंति कहण्णं समणाणं णिग्गंथाणं किरिया कज्जति ? ।
१. सं० पा०-एवमभेज्जा अडझा अगिज्झा
अणड्डा अमज्झा अपएसा । २. अविभातिमा (क, ख, ग)।
३. गोयमाती (क, ख, ग)। ४. त्ति (ग)।
Jain Education International
For Private & Personal Use Only
www.jainelibrary.org
