________________
५५६
ठाण
१७५ तिहिं वएहिं आया - केवलं बोधि बुज्भेज्जा, केवलं मुंडे भवित्ता अगाराओ अणगारियं पव्वज्जा, केवलं बंभचेरवासमावसेज्जा, केवलेणं संजमेणं संजमेज्जा, केवलेणं संवरेणं संवरेज्जा, केवलमाभिणिबोहिणाणं उप्पाडेज्जा, केवलं सुयणाणं उप्पाडेज्जा, केवलं ओहिणाणं उप्पाडेज्जा, केवलं मणपज्जवणाणं उप्पाडेज्जा, केवलं केवलणाणं उप्पाडेज्जा, तं जहा - पढमे वए, मज्झिमे वए, पच्छिमेव ॥
बोधि-पदं
१७६. तिविधा बोधी पण्णत्ता, तं जहा - णाणबोधी, दंसणबोधी, चरित्तबोधी ॥ १७७. तिविहा बुद्धा पण्णत्ता, तं जहा णाणबुद्धा, दंसणबुद्धा, चरित्तबुद्धा ॥ मोह-पदं
१७८. तिविहे मोहे पण्णत्ते, तं जहा - णाणमोहे, दंसणमोहे, चरित्तमोहे ॥ १७६. तिविहा मूढा पण्णत्ता, तं जहा - णाणमूढा, दंसणमूढा, चरित्तमूढा ॥ पव्वज्जा-पदं
o
१८० तिविहा पव्वज्जा पण्णत्ता, तं जहा - इहलोगपडिबद्धा, परलोगपडिबद्धा, दुहतो [ लोग ? ] पडिबद्धा ॥
१८१. तिविहा पव्वज्जा पण्णत्ता, तं जहा - पुरतोपडिबद्धा, मग्गतोपडिबद्धा, दुहओपबिद्धा ||
१८२. तिविहा पव्वज्जा पण्णत्ता, तं जहा – तुयावइत्ता, पुयावइत्ता, बुआवइत्ता ॥ १८३. तिविहा पव्वज्जा पण्णत्ता, तं जहा - ओवातपव्वज्जा", अक्खातपव्वज्जा, संगारपव्वज्जा |
णियंठ-पदं
१८४. तओ णियंठा णोसण्णोवउत्ता पण्णत्ता, तं जहा - पुलाए, णियंठे, सिणाए ॥ १८५. तओ नियंठा सण - णोसण्णोवउत्ता पण्णत्ता, तं जहा बउसे, पडिसेवणाकुसीले', कसायकुसीले ।।
सेहभूमि-पदं
१८६. तओ सेहभूमीओ पण्णत्ताओ, तं जहा -उक्कोसा, मज्झिमा, जहण्णा । उक्कोसा छम्मासा, मज्झिमा चउमासा, जहण्णा सत्तराइंदिया ||
१. सं० पा० – एसो चेव गमो णेयव्वो जाव केवलणाति ।
२. सं० पा० - एवं मोहे मूढा ।
३. द्रष्टव्यम् - ठा० ४।५७१ सूत्रम् ।
Jain Education International
४. अववात (क) ।
५. सन्नि ( ख ) ।
६. कुसीले ( ग ) ।
For Private & Personal Use Only
www.jainelibrary.org
