________________
ठाणं
१४२. तिविहे लोगे पण्णत्ते, तं जहा-उड्ढलोगे, अहोलोगे, तिरियलोगे ॥ परिसा-पदं १४३. चमरस्स णं असुरिंदस्स असुरकुमाररण्णो तओ परिसाओ पण्णत्ताओ, तं जहा
समिता, चंडा, जाया। अभितरिता समिता, मज्झिमिता चंडा, बाहिरिता
जाया ।। १४४. चमरस्स णं असुरिंदस्स असुरकुमाररण्णो सामाणिताणं देवाणं तओ परिसाओ
पण्णत्ताओ, तं जहा-समिता जहेव चमरस्स ॥ १४५. एवं-तावत्तीसगाणवि ॥ १४६. लोगपालाणं-तुंबा तुडिया पव्वा ।। १४७. एवं-अग्गमहिसीणवि ॥ १४८. बलिस्सवि एवं चेव जाव' अग्गमहिसीणं ।। १४६. धरणस्स य सामाणिय-तावत्तीसगाणं च-समिता चंडा जाता। १५०. 'लोगपालाणं अग्गमहिसीणं-ईसा तुडिया दढरहा ।। १५१. जहा धरणस्स तहा सेसाणं भवणवासीणं ॥ १५२. कालस्स णं पिसाइंदस्स पिसायरण्णो तओ परिसाओ पण्णत्ताओ, तं जहा
ईसा तुडिया दढरहा ।। १५३. एवं सामाणिय-अग्गमहिसीणं ।। १५४. एवं जाव" गीयरतिगीयजसाणं । १५५. चंदस्स णं जोतिसिंदस्स जोतिसरण्णो तओ परिसाओ पण्णत्ताओ, तं जहा
तुंबा तुडिया पव्वा ॥ १५६. एवं-सामाणिय-अग्गमहिसीणं ।। १५७. एवं-सूरस्सवि ॥ १५८. सक्कस्स णं देविंदस्स देवरण्णो तओ परिसाओ पण्णत्ताओ, तं जहा–समिता
चंडा जाया ॥
१. ठा० ३।१४३ । २. तायत्ती (ख)। ३. तुंपा (क); तंपा (ग)। ४. बलस्सवि (क); बालास्सवि (ग)। ५. ठा० ३।१४३-१४७ । ६. पू०-ठा० ३।१४३ । ७. लोगपालग्ग ° (क, ग)।
८. पू०-ठा० ३।१४३ । ६. ठा० २।३५४-३६२ । १०. पू० ठा० ३।१४३ । ११. ठा० २।३६३-३७० । १२. पू०-ठा० ३।१४३ । १३. पू०-ठा० ३।१४३ ।
Jain Education International
For Private & Personal Use Only
www.jainelibrary.org
