________________
तइयं ठाणं (पढमो उद्देसो) १३२. तओ लोगे समा सपक्खि सपडिदिसिं पण्णत्ता, तं जहा-सीमंतए णं णरए,
समयक्खेत्ते, ईसीपब्भारा पुढवी ।।
समुद्द-पदं
१३३. तओ समुद्दा पगईए उदगरसेणं' पण्ण त्ता, तं जहा-कालोदे, पुक्खरोदे,
सयंभुरमणे ॥ १३४. तओ समुद्दा बहुमच्छकच्छभाइण्णा पण्णत्ता, तं जहा-लवणे, कालोदे,
सयंभुरमणे ॥ उववाय-पदं १३५. तओ लोगे णिस्सीला णिव्वता णिग्गुणा णिम्मेरा णिप्पच्चक्खाणपोसहोववासा
कालमासे कालं किच्चा अहेसत्तमाए पुढवीए अप्पतिठ्ठाणे णरए णेरइयत्ताए
उववज्जंति, तं जहा--रायाणो, मंडलीया, जे य महारंभा कोडंबी॥ १३६. तओ लोए सुसीला सुव्वया सग्गुणा समेरा सपच्चक्खाणपोसहोववासा
कालमासे कालं किच्चा सव्वट्ठसिद्ध विमाणे देवत्ताए उववत्तारो भवंति,
तं जहा - रायाणो परिचत्तकामभोगा, सेणावती, पसत्थारो। विमाण-पदं १३७. बंभलोग-लंतएसु णं कप्पेसु विमाणा तिवण्णा पण्णत्ता, तं जहा-किण्हा,
णीला, लोहिया ॥ देव-पदं १३८. आणयपाणयारणच्चुतेसु णं कप्पेसु देवाणं भवधारणिज्जसरीरगा उक्कोसेणं
__ तिण्णि रयणीओ उड्ढं उच्चत्तेणं पण्णत्ता । पण्णत्ति-पदं १३६. तओ पण्णत्तीओ कालेणं अहिज्जंति, तं जहा-चंदपण्णत्ती, सूरपण्णत्ती,
दीवसागरपण्णत्ती॥
बीओ उद्देसो लोग-पदं १४०. तिविहे लोगे पण्णत्ते, तं जहा–णामलोगे, ठवणलोगे, दव्वलोगे ॥ १४१. तिविहे लोगे पण्णत्ते, तं जहा-णाणलोगे, दंसणलोगे, चरित्तलोगे।
१. x (क, ग)।
२. उदगरसा (क, ख)।
Jain Education International
For Private & Personal Use Only
www.jainelibrary.org
