________________
बीअं ठाणं (चउत्थो उद्देसो)
५३५
वाससए वाससए, एक्केक्के अवहडंमि जो कालो। सो कालो बोद्धव्वो, उवमा एगस्स पल्लस्स ॥२॥ एएसि पल्लाणं, कोडाकोडी हवेज्ज दस गुणिता।
तं सागरोवमस्स उ, एगस्स भवे परीमाणं ॥३॥ पाव-पदं ४०६. दुविहे कोहे पण्णत्ते, तं जहा- आयपइट्ठिए चेव, परपइट्ठिए चेव ।। ४०७. "दुविहे माणे, दुविहा माया, दुविहे लोभे, दुविहे पेज्जे, दुविहे दोसे, दुविहे
कलहे, दुविहे अब्भक्खाणे, दुविहे पेसुण्णे, दुविहे परपरिवाए, दुविहा अरतिरती, दुविहे मायामोसे, दुविहे मिच्छादसणसल्ले पण्णत्ते, तं जहा-आयपइट्ठिए चेव,
परपइट्ठिए चेव । एवं णेरइयाणं जाव' वेमाणियाणं° ॥ जीव-पदं ४०८. दुविहा संसारसमावण्णगा जीवा पण्णत्ता, तं जहा-तसा चेव, थावरा चेव ॥ ४०६. दुविहा सव्वजीवा पण्णत्ता, तं जहा—सिद्धा चेव, असिद्धा चेव ॥ ४१०. दुविहा सव्वजीवा पण्णत्ता, तं जहा–सइंदिया चेव अणिदिया चेव, सकायच्चेव
अकायच्चेव, सजोगी चेव अजोगी चेव, सवेया चेव अवेया चेव, सकसाया चेव अकसाया चंव, सलेसा चंव अलेसा चंव, णाणी चव अगाणी चंव, सागारोवउत्ता चेव अणागारोवउत्ता चेव, आहारगा चेव अणाहारगा चेव, भासगा चेव
अभासगा चेव, चरिमा चेव अचरिमा चेव, ससरीरी चेव असरीरी चेव ।। मरण-पदं ४११. दो मरणाई समणणं भगवता महावीरेणं समणाणं णिग्गंथाणं णो णिच्चं वण्णि
याइं णो णिच्चं कित्तियाइं णो णिच्चं बुइयाई णो णिच्चं पसत्थाई णो णिच्चं
अब्भणुण्णायाइं भवंति, तं जहा—वलयमरणे चेव, वसट्टमरणे चेव ॥ ४१२. एवं--णियाण मरणे चेव तब्भवमरणे चेव, गिरिपडणे चेव तरुपडणे चेव, जल
पवेसे' चेव जलणपवेसे चेव, विसभक्खणे चेव सत्थोवाडणे चेव ।।
१. सं० पा०-एवं रइयाण जाव वेमाणियाणं
एवं जाव मिच्छादसणसल्लाणं । २. ठा० १११४२-१६३ । ३. सं० पा०–एवं एसा गाहा फासेतव्वा जाव
ससरीरी चेव असरीरी चेव । संगहणी-गाहा
सिद्ध सइंदियकाए, जोगे वेए कसाय लेसा य ।
णाणुवओगाहारे, भासग चरिमे य ससरीरी॥१॥ ४. पूइयाइं (क, ख, ग, वृपा) । ५. वलात ° (क, ख, ग)। ६. जलपडणे (ग)।
Jain Education International
For Private & Personal Use Only
www.jainelibrary.org
