________________
१३४
ठाणं
अत्त-णिज्जाण-पदं ३९८. दोहि ठाणेहिं आता सरीरं फुसित्ता णं णिज्जाति, तं जहा-देसेवि आता
सरीरं फुसित्ता णं णिज्जाति, सव्वेणवि आता सरीरगं फुसित्ता णं णिज्जाति ॥ ३९६. "दोहि ठाणेहि आता सरीरं फुरित्ता णं णिज्जाति, तं जहा-देसेणवि आता
सरीरं फुरित्ता णं णिज्जाति, सव्वेणवि आता सरीरगं फुरित्ता णं णिज्जाति ।। ४००. दोहि ठाणेहिं आता सरीरं फुडित्ता णं णिज्जाति, तं जहा-देसेणवि आता
सरीरं फुडित्ता णं णिज्जाति, सव्वेणवि आता सरीरगं फुडित्ता णं णिज्जाति ।। ४०१. दोहि ठाणेहिं आता सरीरं संवट्टइत्ता णं णिज्जाति, तं जहा--देसेणवि आता
सरीरं संवट्टइत्ता णं णिज्जाति, सव्वेणवि आता सरीरगं संवट्टइत्ता णं
णिज्जाति ॥ ४०२. दोहिं ठाणेहिं आता सरीरं णिवट्टइत्ता णं णिज्जाति, तं जहा-देसेणवि आता
सरीरं णिवट्टइत्ता णं णिज्जाति, सव्वेणवि आता सरीरगं णिवट्टइत्ता णं
णिज्जाति ० ॥ खय-उवसम-पदं ४०३. दोहि ठाणेहिं आता केवलिपण्णत्तं धम्मं लभेज्जा सवणयाए, तं जहा-खएण'
चेव, उवसमेण चेव ।। ४०४. "दोहि ठाणेहिं आता-केवलं बोधि बुज्झेज्जा, केवलं मुंडे भवित्ता अगाराओ
अणगारियं पव्वइज्जा, केवलं बंभचेरवासमावसेज्जा, केवलेणं संजमेणं संजमेज्जा, केवलेणं संवरेणं संवरेज्जा, केवलमाभिणिबोहियणाणं उप्पाडेज्जा, केवलं सुयणाणं उप्पाडेज्जा, केवलं ओहिणाणं उप्पाडेज्जा, केवलं ° मणपज्ज
वणाणं उप्पाडेज्जा, तं जहा-खएण चेव, उवसमेण चेव ॥ ओवमिय-काल-पदं ४०५. दुविहे अद्धोवमिए पण्णत्ते, तं जहा–पलिओवमे चेव, सागरोवमे चेव ।
से किं तं पलिओवमे ? पलिओवमेसंगहणी-गाहा
जं जोयणविच्छिण्णं, पल्लं एगाहियप्परूढाणं । होज्ज णिरंतरणिचितं, भरितं वालग्गकोडीणं ॥१॥
१. सं० पा०--एवं फूरित्ता णं एवं फुडित्ता णं
एवं संवट्टइत्ता णं एवं णिवट्टइत्ता णं । २. खतेण (क, ख, ग)।
३. सं० पा०—एवं जाव मणपज्जवणाणं। ४. ० च्छन्नं (क, ग)।
Jain Education International
For Private & Personal Use Only
www.jainelibrary.org
