________________
ठाणं
४१३. दो मरणाई समणेणं भगवता महावीरेणं समणाणं णिग्गंथाणं णो णिच्चं
वण्णियाइं णो णिच्चं कित्तियाइं णो णिच्चं बुइयाइं णो णिच्चं पसत्थाइं° णो णिच्चं अब्भणुण्णायाइं भवंति । कारणे पुण अप्पडिकुट्ठाइं, तं जहा–वेहाणसे'
चेव गिद्धपट्टे चेव ॥ ४१४. दो मरणाई समणेणं भगवया महावीरेणं समणाणं णिग्गंथाणं णिच्चं वण्णियाई
'णिच्चं कित्तियाइं णिच्चं बुइयाई णिच्चं पसत्थाई णिच्चं° अब्भणुण्णायाई
भवंति, तं जहा—पाओवगमणे चेव, भत्तपच्चक्खाणे चेव ।। ४१५. पाओवगमणे दुविहे पण्णत्ते, तं जहा–णीहारिमे चेव, अणीहारिमे चेव । णियमं
अपडिकम्मे ॥ ४१६. भत्तपच्चपक्खाणे दुविहे पण्णत्ते, तं जहा–णीहारिमे चेव, अणीहारिमे चेव।
णियमं सपडिकम्मे ॥ लोग-पदं ४१७. के अयं लोगे?
जीवच्चेव, अजीवच्चेव ॥ ४१८. के अणंता लोगे?
जीवच्चेव, अजीवच्चेव ॥ ४१६. के सासया लोगे?
जीवच्चेव, अजीवच्चेव ।। बोधि-पदं ४२०. दविहा बोधी पण्णत्ता, तं जहा–णाणबोधी चेव, दंसणबोधी चेव ॥ ४२१. दुविहा बुद्धा पण्णत्ता, तं जहा–णाणबुद्धा चेव, दसणबुद्धा चेव ।। मोह-पदं ४२२. "दुविहे मोहे पण्णत्ते, तं जहा-णाणमोहे चेव, दंसणमोहे चेव ॥ ४२३. दुबिहा मूढा पण्णत्ता, तं जहा–णाणमूढा चेव, दंसणमूढा चेव ॥ कम्म-पदं ४२४. णाणावरणिज्जे कम्मे दुविहे पण्णत्ते, तं जहा-देसणाणावरणिज्जे चेव, सव्व
___णाणावरणिज्जे चेव ॥
१. सं० पा०-मरणाइं जाव णो णिच्चं । २. कारणेण (क, ख, ग, वृपा)। ३. विहायसि-नभसि भवं वैहायसं प्राकृतत्वेन
तु वेहाणसमित्युक्तमिति (वृ)।
४. सं० पा०-वणियाइं जाव अब्भणण्णायाई। ५. ०क्कमे (क, ग)। ६. °क्कमे (क, ग)। ७. सं० पा०–एवं मोहे मूढा ।
Jain Education International
For Private & Personal Use Only
www.jainelibrary.org
