________________
५०४
५०. दो ठाणाई अपरियाणत्ता आया णो केवलं मणपज्जवणाणं उप्पाडेज्जा, तं जहा- आरंभे चेव परिग्गहे चेव ॥
५१. दो ठाणाई अपरियाणेत्ता आया णो केवलं केवलणाणं उप्पाडेज्जा, तं जहा - आरंभे चैव परिग्गहे चेव० ॥
५२. दो ठाणाई परियाणेत्ता' आया केवलिपण्णत्तं धम्मं लभेज्ज सवणयाए, तं जहाआरंभे चैव परिग्गहे चेव ॥
५३. दो ठाणाई परियाणेत्ता आया केवलं बोधि बुज्भेज्जा, तं जहा- आरंभे चेव, परिग्गहे चेव ॥
ठाणं
५४. दो ठाणाई परियाणेत्ता आया केवलं मुंडे भवित्ता अगाराओ अणगारियं पव्वइज्जा, तं जहा- आरंभे चेव, परिग्गहे चेव ॥
५५. दो ठाणाई परियाणेत्ता आया केवलं बंभचेरवासमावसेज्जा, तं जहा - आरंभे चेव, परिग्गहे चेव ॥
५६.
दो ठाणाई परियाणेत्ता आया केवलेणं संजमेणं संजमेज्जा, तं जहा- आरंभ चेव, परिग्गहे चेव ॥
५७. दो ठाणाई परियाणेत्ता आया केवलेणं संवरेणं संवरेज्जा, तं जहा- आरंभे चेव, परिग्गहे चेव ॥
५८. दो ठाणाई परियाणेत्ता आया केवलमाभिणिबोहियणाणं उप्पाडेज्जा, तं जहाआरंभे चैव परिग्गहे चेव ॥
५६. दो ठाणाई परियाणेत्ता आया केवलं सुयणाणं उप्पाडेज्जा, तं जहा- आरंभे चेव परिग्गहे चेव ॥
६०. दो ठाणाई परियाणेत्ता आया केवलं ओहिणाणं उप्पाडेज्जा, तं जहा- आरंभ चेव, परिग्गहे चेव ॥
६१. दो ठाणाई परियाणेत्ता आया केवलं मणपज्जवणाणं उप्पाडेज्जा, तं जहाआरंभे चेव, परिग्गहे चेव ॥
६२. दो ठाणाई परियाणेत्ता आया केवलं केवलणाणं उप्पाडेज्जा, तं जहा- आरंभ चेव, परिग्गहे चेव ॥
सोच्चा- अभिसमेच्च-पदं
६३. दोहि ठाणेह आया केवलिपण्णत्तं धम्मं लभेज्ज सवणयाए, तं जहासोच्चच्चेव, अभिसमेच्चच्चेव ॥
६४. "दोहि ठाणेहिं आया केवलं बोधि बुज्भेज्जा, तं जहा- सोच्च च्चेव, अभिसमेच्चच्चेव ॥
१. परियाइत्ता ( क ) ; परियादित्ता ( ग ) ।
२. सं० पा० - एवं जाव केवलणाणं उप्पा
Jain Education International
डेज्जा ।
३. सं० पा० - जाव केवलणाणं उप्पाडेज्जा ।
For Private & Personal Use Only
www.jainelibrary.org
