________________
बीअं ठाणं (पढमो उद्देसो) पच्चक्खाण-पदं ३६. दुविहे पच्चक्खाणे पण्णत्ते, तं जहा-मणसा वेगे पच्चवखाति, वयसा वेगे
पच्चक्खाति। अहवा-पच्चक्खाणे दुविहे पण्णत्ते, तं जहा-दीहं वेगे अद्धं पच्चक्खाति, रहस्सं वेगे अद्धं पच्चक्खाति ।।
विज्जाचरण-पदं ४०. दोहि ठाणेहिं संपण्णे अणगारे अणादीयं अणवयग्गं दीहमद्धं चाउरतं संसार_कंतारं वीतिवएज्जा, तं जहा–विज्जाए चेव चरणेण चेव ।। आरंभ-परिग्गह-पदं ४१. दो ठाणाई अपरियाणेत्ता आया णो केवलिपण्णत्तं धम्म लभेज्ज सवणयाए, तं
जहा–आरंभे चेव, परिग्गहे चेव ॥ ४२. दो ठाणाइं अपरियाणेत्ता' आया णो केवलं बोधिं बुज्झज्जा, तं जहा–आरंभे
चेव, परिग्गहे चेव ॥ ४३. दो ठाणाई अपरियाणेत्ता आया णो केवलं मुडे भवित्ता अगाराओ अणगारियं
पव्वइज्जा, तं जहा-आरंभे चेव, परिग्गहे चेव ।। ४४. "दो ठाणाइं अपरियाणेत्ता आया णो केवलं बंभचेरवासमावसेज्जा, तं जहा
आरंभे चेव, परिग्गहे चेव ॥ ४५. दो ठाणाई अपरियाणेत्ता आया णो केवलेणं संजमेणं संजमेज्जा, तं जहा
आरंभे चेव, परिग्गहे चेव ॥ ४६. दो ठाणाइं अपरियाणेत्ता आया णो केवलेणं संवरेणं संवरेज्जा, तं जहा-आरंभे
चेव, परिग्गहे चेव ॥ ४७. दो ठाणाइं अपरियाणेत्ता आया णो केवलमाभिणिबोहियणाणं उप्पाडेज्जा, तं
जहा-आरंभ चेव, परिग्गहे चेव ॥ ४८. दो ठाणाई अपरियाणेत्ता आया णो केवलं सुयणाणं उप्पाडेज्जा, तं जहा
आरंभे चेव, परिग्गहे चेव ।। ४६. दो ठाणाई अपरियाणेत्ता आया णो केवलं ओहिणाणं उप्पाडेज्जा, तं जहा
आरंभे चेव, परिग्गहे चेव ।।
१. अपरियादितित्ता (क, ग); अपरियाइत्ता
(वृपा)। २. अपरियाइत्ता (क, ग)।
३. सं० पा०–एवं णो केवलं बंभचेरवासमा
वसेज्जा"ओहिणाणं मणपज्जवणाणं केवलणाणं ।
Jain Education International
For Private & Personal Use Only
www.jainelibrary.org
