Page Text
________________
४८०
सूयगडो २ जीवसत्तेहि अप्पणा सच्चामोसाइं एवं विउंजंति'.-.--अहं णं हंतव्वो अण्णे हंतव्वा', 'अहं ण अज्जावेयव्वो अण्णे अज्जावेयव्वा, अहं ण परिघेतव्वो अण्णे परिघेतव्वा, अहं ण परितावेयव्वो अण्णे परितावेयव्वा, अहं ण उद्दवेयव्वो अण्णे उद्दवेयव्वा। एवामेव ते इत्थिकामेहिं मुच्छिया गिद्धा गढिया अज्झोववण्णा जाव वासाइं चउपंचमाइं छहसमाई अप्पयरो वा भुज्जयरो वा भुंजित्तु भोगभोगाई कालमासे कालं किच्चा अण्णयराइं आसुरियाई किब्बिसियाई 'ठाणाइं० उववत्तारो भवंति । तओ वि विप्पमुच्चमाणा भुज्जो एलमूयत्ताए तमोरूवत्ताए' पच्चायति । ते पाणा वि वुच्चंति', 'ते तसावि वुच्चंति, ते महाकाया । ते चिरद्विइया, ते बहतरगा पाणा जेहिं समणोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ। से महया तसकायाओ उवसंतस्स उवटियस्स पडिविरयस्स जं णं तब्भे वा अण्णो वा एवं वयह-'णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते'। अयं पि
भे उवएसे° णो णेयाउए भवइ॥ २६. भगवं च णं उदाहु-संतेगइया पाणा दीहाउया, जेहि समणोवासगस्स आयाणसो
आमरणंताए दंडे णिक्खित्ते भवइ। ते पुवामेव कालं करेंति, करेत्ता पारलोइयत्ताए पच्चायति । ते पाणा वि वुच्चंति, ते तसा वि वुच्चंति, ते महाकाया, ते चिरिद्विइया, ते दीहाउया । ते बहुयरगा पाणा जेहिं समणोवासगस्स' 'सुपच्चक्खायं भवइ । ते अप्पयरगा पाणा जेहिं समणोवासगस्स अपच्चक्खायं भवइ। से महया तसकायाओ उवसंतस्स उवट्ठियस्स पडिविरयस्स जं णं तुब्भे वा अण्णो वा एवं वयह—“णत्थि णं से केइ परियाए जंसि समणोवासगस्स एगपाणाए वि
दंडे णिक्खित्ते ।" अयं पि भे उवएसे ° णो णेयाउए भवइ ।। २७. भगवं च णं उदाहु-संतेगइया पाणा समाउया, जेहिं समणोवासगस्स आयाणसो
आमरणंताए दंडे णिक्खिते भवइ । ते सममेव कालं करेंति, करेत्ता पारलोइयत्ताए पच्चायति । ते पाणा वि वुच्चंति, ते तसावि वुच्चंति, ते महाकाया, ते समाउया। ते
१. पाणभूय ° (क, ख)। २. विप्पडिवेदेति (क, ख, वृपा)। ३. सं० पा०-हंतव्वा जाव कालमासे । ४. सं० पा०—किब्बिसियाई जाव उववत्तारो।
५. तमूयत्ताए (क); तमोतत्ताए (ख)। ६. सं० पा०-वुच्चंति जाव णो णेयाउए । ७. सं० पा०-समणोवासगस्स जाव णो
णेयाउए।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |