Page Text
________________
४७८
२२.
सूयगडो २
hs परियाए जंसि समणोवासगस्स एगपाणाए वि दंडे णिक्खित्ते • ।" अयं पि भे उसे णो णेयाउए भवइ ।।
भगवं च णं उदाहु' – संतेगइया मणुस्सा भवंति तं जहा - महिच्छा महारंभा महापरिग्गहा अहम्मिया' 'अधम्माणुया अधम्मिट्ठा अधम्मक्खाई अधम्मपायजीविणो अधम्मपलोइणो अधम्मपलज्जणा अधम्मसीलसमुदाचारा अधम्मेण चेव वित्ति कप्पे माणा विहरंति, 'हण' 'छिंद' 'भिंद' विगत्तगा लोहियपाणी चंडा रुद्दा खुद्दा साहस्सिया उक्कंचण-वंचण-मायाणियडि-कूड - कवड-साइसंपओगबहुला दुस्सीला दुव्वया दुप्पडियाणंदा असाहू । सव्वाओ पाणाइवायाओ
परिया जावज्जीवाए, सव्वाओ मुसावायाओ अप्पडिविरया जावज्जीवाए, सव्वाओ अदिण्णादाणाओ अप्पडिविरया जावज्जीवाए, सव्वाओ मेहुणाओ अप्पडिविरया जावज्जीवाए, सव्वाओ परिग्गहाओ अप्पडिविरया जावज्जीवाए, जेहिं समणोवासगस्स आयाणसो आमरणंताए' दंडे णिक्खित्ते, ते तओ आगं विप्पजहंति, विप्पजहित्ता भुज्जो सगमादाए दोग्गइगामिणो भवति ।
पाणावि वुच्चति ते तसावि वच्चंति, ते महाकाया, ते चिरट्टिइया । ते बहुतरगा पाणा जेहिं समणोवासगस्स सुपच्चक्खायं भवइ । ते अप्पयरगा पाणा जेहिं समणोवासगस्स अपच्चक्खायं भवइ । से महया तसकायाओ उवसंतस्स उवट्ठियस्स पडिविरयस्स जं णं तुब्भे वा अण्णो वा एवं वयह" णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते ।" अयं पि भे उवएसे णो णेयाउए भवइ ||
o
२३. भगवं च णं उदाहु - संतेगइया मणुस्सा भवंति तं जहा - अणारंभा अपरिग्गहा धम्मा' धम्मिट्ठा धम्मक्खाई धम्मप्पलोई धम्मपलज्जणा धम्मसमुदायारा धम्मेणं चेव वित्ति कप्पेमाणा विहरंति, सुसीला सुव्वया सुप्पडियदा साहू | सव्वाओ पाणाइवायाओ पडिविरया जावज्जीवाए, सव्वाओ मुसावायाओ पडिविरया जावज्जीवाए, सव्वाओ अदिण्णादाणाओ पडिविरया जावज्जीवाए, सव्वाओ मेहुणाओ पडिविरया जावज्जीवाए, सव्वाओ परिग्गहाओ पडिविरया जावज्जीवाए, जेहिं समणोवासगस्स आयाणसो आमर
Jain Education International
१. येषु सूत्रेषु प्रश्नोत्तरक्रमो विद्यते तत्रैव 'णियंठा खलु पुच्छियव्वा' इत्यादि पाठो गृहीतः अतः परवर्तिसूत्रेषु प्रश्नोत्तरक्रमो नास्ति तेन तस्य पाठस्य नास्ति तत्रावकाशः । २. सं० पा० - अहमिया जाव दुप्पडियाणंदा जाव सव्वओ परिग्गहाओ ।
३. आमरणंतिआए ( क ) ।
४. सं० पा० – वुच्चति ते तसा ए महा ते चिर ते बहुतरगा आयाणसो इती से महता जेणं तुभे णो णेयाउए ।
५. सं० पा० - धम्माया जाव सव्वाओ ।
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |