________________
चउत्थं अज्झयणं पच्चक्खाणकिरिया
पइण्णा -पदं
सुयं मे आउसं ! तेणं भगवया एवमक्खायं-इह खलु पच्चक्खाणकिरियाणामज्झयणे। तस्स णं अयम?-आया अपच्चक्खाणी यावि भवइ। आया अकिरियाकूसले यावि भवइ । आया मिच्छासंठिए यावि भवइ । आया एगंतदंडे यावि भवइ। आया एगंतबाले यावि भवइ । आया एगंतसुत्ते यावि भवइ । आया अवियार-मण-वयण-काय-वक्के यावि भवइ । आया अप्पडिहयपच्चक्खाय'-पावकम्मे यावि भवइ। एस खलु भगवया अक्खाए असंजए अविरए अप्पडिहयपच्चक्खाय-पावकम्मे सकिरिए असंवुडे एगंतदंडे एगंतबाले एगंतसुत्ते। से बाले अवियार-मण-वयण
काय-वक्के सुविणमवि ण पस्सइ, पावे य से कम्मे कज्जइ ।। चोयगस्स अक्खेव-पदं २. तत्थ चोयए पण्णवर्ग एवं वयासो-असंतएणं मणेणं पावएणं, असंतियाए वईए
पावियाए, असंतएणं काएणं पावएणं, अहणंतस्स अमणक्खस्स अवियार-मणवयण'-काय-वक्कस्स सुविणमवि अपस्सओ पावे कम्मे णो कज्जइ। कस्स णं तं हेउं? चोयए एवं ब्रवीति'—अण्णयरेणं मणेणं पावएणं मणवत्तिए' पावे कम्मे कज्जइ, अण्णयरीए वईए पावियाए वइवत्तिए पावे कम्मे कज्जइ, अण्णयरेणं
१. अपच्चक्खाय (ख)। २. वयस (क, ख)।
३. बवीति (क्व)। ४. पत्तिए (क)।
४४६
Jain Education International
For Private & Personal Use Only
www.jainelibrary.org
