Page Text
________________
तइयं अज्झयणं (आहारपरिणा)
४२१ उदगजोणियसेवालादिस्स आहार-पदं ४३. अहावरं पुरक्खायं-इहेगइया सत्ता उदगजोणिया उदगसंभवा' 'उदगवक्कमा,
तज्जोणिया तस्संभवा तव्वक्कमा, कम्मोवगा° कम्मणियाणेणं तत्थवक्कमा णाणाविहजोणिएसु उदएसु उदगत्ताए अवगत्ताए पणगत्ताए सेवालत्ताए कलंबुगत्ताए हढत्ताए कसेरुगत्ताए कच्छभाणियत्ताए उप्पलत्ताए पउमत्ताए कुमुयताए णलिणत्ताए सुभगत्ताए सोगंधियत्ताए पोंडरीयत्ताए महापोंडरीयत्ताए सयपत्तत्ताए सहस्सपत्तत्ताए कल्हारत्ताए कोकणयत्ताए अरविंदत्ताए तामरसत्ताए भिसत्ताए भिसमुणालत्ताए पुक्खलत्ताए पुक्खलच्छिभगत्ताए विउद॒ति । ते जीवा तेसिं णाणाविहजोणियाणं उदगाणं सिणेहमाहारेति-- ते जीवा आहारेति पढविसरीरं 'आउसरीरं तेउसरीरं वाउसरीरं वणस्सइसरीरं [तसपाणसरीरं ?]। णाणाविहाणं तसथावराणं पाणाणं सरीरं अचित्तं कुव्वंति । परिविद्धत्थं तं सरीरं पुवाहारियं तयाहारियं विपरिणयं सारूविकडं ° संतं [सव्वप्पणत्ताए आहारति ?] । अवरे वि य णं तेसि उदगजोणियाणं उदगाणं अवगाणं पणगाणं सेवालाणं कलंबुगाणं हढाणं कसे रुगाणं कच्छभाणियाणं उप्पलाणं पउमाणं कुमुयाणं णलिणाणं सुभगाणं सोगंधियाणं पोंडरीयाणं महापोंडरीयाणं सयपत्ताणं सहस्सपत्ताणं कल्हाराणं कोकणयाणं अरविंदाणं तामरसाणं भिसाणं भिसमुणालाणं पुक्खलाणं पुक्खलच्छिभगाणं सरीरा णाणावण्णा' 'णाणागंधा णाणारसा णाणाफासा णाणासठाणसंठिया णाणाविहसरीरपोग्गलविउव्विया । ते जीवा कम्मोववण्णगा
भवंति त्ति ° मक्खायं । रुक्खजोणियतसपाणस्स आहार-पदं ४४. "अहावरं पुरक्खायं-इहेगइया सत्ता पुढविजोणिया पुढविसंभवा पुढविवक्कमा,
१. सं० पा०----उदगसंभवा जाव कम्म । २. X (क, ख)। ३. हठत्ताए (क)। ४. पोक्खलत्थिभगत्ताए (क)। ५. सं० पा०-पुढविसरीरं जाव संतं । ६. पोक्खलत्थिभगत्ताणं (क, ख)। ७. सं० पा०--णाणावण्णा जाव मक्खायं । ८. सं० पा०-अहावरं पुरक्खायं-इहेगइया सत्ता तेहिं चेव (१) पुढविजोणिएहिं रुक्खेहि, (२) रुक्खजोणिएहिं रुक्खेहि, (३) रुक्ख
जोणिएहि मूलेहिं जाव बीएहिं । (४) रुक्ख जोणिएहिं अज्झोरुहेहिं; (५)अज्झोरुहजोणिएहिं अज्झोरुहेहि, (६) अज्झोरुहजोणिएहिं जाव बीएहि । (७) पुढविजोणिएहि तणेहिं, (८) तणजोणिएहि तणेहि, (९) तणजोणिएहिं मूलेहिं जाव बीएहि। (१०-१२) एवं ओसहीहिं वि तिण्णि आलावगा। (१३-१५) एवं हरिएहि वि तिण्णि
Jain Education International
www.jainelibrary.org
For Private & Personal Use Only
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |