Page Text
________________
बीअं अज्झयणं (किरियाठाणे)
३८७ से जहाणामए मम असायं दंडेण वा अट्ठीण वा मुट्ठीण वा लेलुणा वा कवालेण वा आउडिज्जमाणस्स वा हम्ममाणस्स वा तज्जिज्जमाणस्स वा ताडिज्जमाणस्स वा परिताविज्जमाणस्स वा किलामिज्जमाणस्स वा उद्दविज्जमाणस्स वा जाव लोमुक्खणणमायमवि हिंसाकारगं दुक्वं भयं पडिसंवेदेमि-इच्चेवं जाण। सव्वे पाणा सव्वे भूया सव्वे जीवा सव्वे सत्ता दंडेण वा अट्ठीण वा मुट्ठीण वा लेलुणा वा कवालेण वा आउडिज्जमाणा वा हम्ममाणा वा तज्जिज्जमाणा वा ताडिज्जमाणा वा परिताविज्जमाणा वा किलामिज्जमाणा वा उद्दविज्जमाणा वा जाव लोमुक्खणणमायमवि हिंसाकारगं दक्खं भयं पडिसंवेदेति । एवं णच्चा सव्वे पाणा सव्वे भूया सव्वे जीवा सव्वे सत्ता ण हंतव्वा ण अज्जावेयव्वा ण
परिघेतव्वा ण परितावेयव्वा ण उद्दवेयव्वा ।। ४१. से बेमि-जे अईया, जे य पडुप्पण्णा, जे य आगमेस्सा अरहंता भगवंतो सव्वे ते
एवमाइक्खंति, एवं भासंति, एवं पण्णवेंति, एवं परूवेति सव्वे पाणा सव्वे भूया सव्वे जीवा सव्वे सत्ता ण हंतव्वा ण अज्जावेयव्वा ण परिघेतव्वा ण
परितावेयव्वा ण उद्दवेयव्वा ।। ४२. एस धम्म धुवे णितिए सासए समेच्च लोगं खेयण्णेहिं पवेइए। भिक्खुचरिया-पदं ४३. एवं से भिक्खू विरए पाणाइवायाओ विरए मुसावायाओ विरए अदत्तादाणाओ
विरए मेहणाओ विरए परिग्गहाओ। णो दंतपक्खालणेणं दंते पक्खालेज्जा,
णो अंजणं, णो वमणं, णो विरेयणं, णो धूवणे, णो तं परियाविएज्जा । ४४. से भिक्ख अकिरिए अल्सए अकोहे अमाणे अमाए अलोहे उवसंते परिणिव्वडे
णो आसंसं पुरतो करेज्जा-इमेण मे दिटेण वा सुएण वा मएण वा विण्णाएण वा, इमेण वा सुचरिय-तव-णियम-बंभचेरवासेणं, इमेण वा जायामायावृत्तिएण धम्मेणं इतो च्ते पेच्चा देवे सिया कामभोगाण वसवत्ती, सिद्धे वा अदुक्खमसूहे।
एत्थ वि सिया, एत्थ वि णो सिया ॥ ४५. से भिक्खू सद्देहिं अमुच्छिए रूवेहिं अमुच्छिए गंधेहि अमुच्छिए रसेहिं
अमुच्छिए फासेहिं अमुच्छिए, विरए-कोहाओ माणाओ मायाओ लोभाओ पेज्जाओ दोसाओ कलहाओ अब्भक्खाणाओ पेसुण्णाओ परपरिवायाओ अरइरईओ मायामोसाओ मिच्छादंसणसल्लाओ---इति से महतो आदाणाओ
उवसंते उवदिए पडिविरते ॥ ४६. से भिक्खु-जे इमे तसथावरा पाणा भवंति–ते णो सयं समारंभइ, णो
अण्णेहि समारंभावेइ, अण्णे समारंभंते वि ण समणुजाणइ-इति से महतो
आदाणाओ उवसंते उवट्ठिए पडिविरते ।। ४७. से भिक्खू-जे इमे कामभोगा सचित्ता वा अचित्ता वा–ते णो सयं
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |