Page Text
________________
पनरसम अज्झयणं (भावणा)
मणुण्णामणुण्णेहि रूवेहिं णो सज्जेज्जा, णो रज्जेज्जा', 'णो गिज्झज्जा, णो मुज्झज्जा, णो अज्झोववज्जेज्जा', णो विणिग्यायमावज्जेज्जा । केवली बूयानिग्गंथे णं मणुण्णामणुण्णेहि रूवेहिं सज्जमाणे रज्जमाणे' गिज्झमाणे मुज्झमाणे अज्झोववज्जमाणे विणिग्घायमावज्जमाणे, संतिभेया संतिविभंगा' 'संतिकेवलिपण्णत्ताओ धम्माओ° भंसेज्जा।
णो सक्का रूवमदटुं, चक्खुविसयमागयं । 'रागदोसा उ जे तत्थ, ते" भिक्खू परिवज्जए ॥२१॥ चक्खूओ जीवो मणुण्णामणुण्णाई रूवाइं पासइ त्ति दोच्चा भावणा॥ ७४. अहावरा तच्चा भावणा-घाणओ जीवो मणुण्णामणुण्णाइं गंधाइं अग्घायइ।
मणुण्णामणुण्णेहिं गंधेहिं णो सज्जेज्जा, णो रज्जेज्जा', 'णो गिज्झज्जा, णो मुज्झज्जा, णो अज्झोववज्जेज्जा', णो विणिग्घायमावज्जेज्जा । केवली बूया--- निग्गंथे णं मणुण्णामणुण्णेहिं गंधेहि सज्जमाणे रज्जमाणे 'गिज्झमाणे मुज्झमाणे अज्झोववज्जमाणे विणिग्यायमावज्जमाणे, संतिभेदा संतिविभंगा' 'संतिकेवलीपण्णत्ताओ धम्माओ भंसेज्जा।
णो सक्का' ण गंधमग्घाउं, णासाविसयमागयं ।
रागदोसा उ जे तत्थ, ते भिक्खू परिवज्जए ॥२२॥ घाणओ जीवो मणुण्णामणुण्णाई गंधाई अग्घायति त्ति तच्चा भावणा। ७५. अहावरा चउत्था भावणा–जिब्भाओ जीवो मणुण्णामणुण्णाई रसाइं अस्सादेइ ।
मणुण्णामणुण्णेहि रसेहिं णो सज्जेज्जा", 'णो रज्जेज्जा, णो गिज्झज्जा, णो मुज्झज्जा, णो अज्झोववज्जेज्जा, णो विणिग्यायमावज्जेज्जा । केवली ब्रूयाणिग्गंथे णं मणण्णामणुण्णेहिं रसेहिं सज्जमाणे 'रज्जमाणे गिज्झमाणे मुज्झमाणे अज्झोववज्जमाणे° विणिग्घायमावज्जमाणे, संतिभेदा संतिविभंगा संतिकेवलीपण्णत्ताओ धम्माओ° भंसेज्जा।
णो सक्का रसमणासाउं, जीहाविसयमागयं ।
रागदोसा उ जे तत्थ, ते भिक्खू परिवज्जए ॥२३॥ जीहाओ जीवो मणुण्णामणुण्णाइं रसाइं अस्सादेइ त्ति चउत्था भावणा ।।
१. सं० पा.-रज्जेज्जा जाव णो। २. सं० पा०-रज्जमाणे जाव विणिग्धाय । ३. सं० पा०-संतिविभंगा जाव भंसेज्जा। ४. रागो दोसो उ जो तत्थं, तं (अ, क)। ५. सं० पा०-रज्जेज्जा जाव णो। ६. सं० पा.-रज्जमाणे जाव विणिग्घाय।
७. सं० पा०-संतिविभंगा जाव भंसेज्जा। ८. सक्को (छ)। ६. X (अ, क, च, ब)। १०. सं० पा०-सज्जेज्जा जाव णो। ११. सं० पा०-सज्जमाणे जाव विणिग्धाय । १२. सं० पा०-संतिभेदा जाव भंसेज्जा।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |