________________
२४६
आयारचूला णो अतिमत्तपाणभोयणभोई से णिग्गंथे णो पणीयरसभोयणभोई त्ति चउत्था
भावणा॥ ६६. अहावरा पंचमा भावणा-णो णिग्गंथे इत्थीपसुपंडगसंसत्ताई सयणासणाई
सेवित्तए सिया। केवली बूयाणिग्गंथे णं इत्थीपसुपंडगसंसत्ताई सयणासणाई सेवेमाणे, संतिभेया' 'संतिविभंगा संतिकेवलीपण्णत्ताओ धम्माओ ° भंसेज्जा । णो णिग्गंथे इत्थीपसुपंडगसंसत्ताई सयणासणाइं सेवित्तए सियत्ति पंचमा भावणा ॥ एतावताव महत्वए सम्म काएण फासिए' पालिए तीरिए किट्टिए अवट्ठिए आणाए• आराहिए यावि भवइ । चउत्थे भंते ! महव्वए' 'मेहुणाओ
वेरमणं ॥ अपरिग्गहमहन्वय-पदं ७१. अहावरं पंचम भंते ! महव्वयं-सव्वं परिग्गहं पच्चक्खामि--से अप्पं वा, बहुं
वा, अणु वा, थूलं वा, चित्तमंतं वा, अचित्तमंतं वा णेव सयं परिग्गहं गिण्हेज्जा, णेवण्णेहि परिग्गहं गिण्हावेज्जा, अण्णंपि परिग्गहं गिण्हतं ण समणुजाणिज्जा' 'जावज्जीवाए तिविहं तिविहेणं-मणसा वयसा कायसा, तस्स भंते ! पडिक्क
मामि निंदामि गरिहामि अप्पाणं° वोसिरामि ।। अपरिग्गहमहन्वयस्स भावणा-पदं ७२. तस्सिमाओ पंच भावणाओ भवंति । तत्थिमा पढमा भावणा-सोयओ जीवे
मणुण्णामणुण्णाई सद्दाइं सुणेइ। मणुण्णामणुण्णेहिं सद्देहिं णो सज्जेज्जा, णो रज्जेज्जा, णो गिज्झज्जा, णो मुज्झज्जा, णो अज्झोववज्जेज्जा, णो विणिग्घायमावज्जेज्जा। केवली बूया-णिग्गंथे णं मणुण्णामणुण्णेहि सद्देहि सज्जमाणे रज्जमाणे गिज्झमाणे मुज्झमाणे अज्झोववज्जमाणे विणिग्घायमावज्जमाणे, संतिभेया संतिविभंगा संतिकेवलिपण्णत्ताओ धम्माओ भंसेज्जा।
ण सक्का ण सोउं सद्दा, सोयविसयमागता ।
रागदोसा उ जे तत्थ, ते भिक्खू परिवज्जए ॥२०॥ सोयओ जीवो मणुण्णामणुण्णाई सद्दाइं सुणेइ त्ति पढमा भावणा॥ ७३. अहावरा दोच्चा भावणा-चक्खूओ जीवो मणुण्णामणुण्णाई रूवाइं पासइ ।
१. सं० पा०-संतिभेया जाव भंसेज्जा । २. सं० पा०-फासिए जाव आराहिए। ३. सं० पो०-महव्वए"। ४. पच्चाइक्खामि (अ, क, घ, च)।
५. सं० पा०-समणुजाणिज्जा जाव वोसिरामि ६. सोतत्तेणं (अ, क, छ, ब)। ७. तं (अ, क, घ, ब)।
Jain Education International
For Private & Personal Use Only
www.jainelibrary.org
