Page Text
________________
२४५
पनरसमं अज्झयणं (भावणा)
आणाए आराहिए यावि भवइ । तच्चे भंते महव्वए' 'अदिण्णादाणाओ
वेरमणं ॥ बंभचेरमहव्वय-पदं ६४. अहावरं चउत्थं भंते ! महव्वयं-पच्चक्खामि सव्वं मेहुणं से दिव्वं वा,
माणुसं वा, तिरिक्खजोणियं वा, णेव सयं मेहुणं गच्छेज्जा,' 'णेवण्णेहि मेहुणं गच्छावेज्जा, अण्णंपि मेहुणं गच्छंतं न समणुज्जाणेज्जा जावज्जीवाए तिविहं तिविहेणं-मणसा वयसा कायसा, तस्स भंते ! पडिक्कमामि निंदामि गरिहामि अप्पाणं वोसिरामि ।।
बंभचेरमहव्वयस्स भावणा-पदं ६५. तस्सिमाओ पंच भावणाओ भवंति । तत्थिमा पढमा भावणा-... णो णिग्गंथे
अभिक्खणं-अभिक्खणं इत्थीणं कहं कहइत्तए सिया। केवली बूया-णिग्गंथे णं अभिक्खणं-अभिक्खणं इत्थीणं कहं कहमाणे, संतिभेदा संतिविभंगा संतिकेवलीपण्णत्ताओ धम्माओ भंसेज्जा । णो णिग्गंथे अभिक्खणं-अभिक्खणं इत्थीणं कहं
कहित्तए सियत्ति पढमा भावणा। ६६. अहावरा दोच्चा भावणा- णो णिग्गंथे इत्थीणं मणोहराई इंदियाइं आलोएत्तए
णिज्झाइत्तए सिया। केवली बूया-णिग्गंथे णं इत्थीणं मणोहराइं इंदियाई आलोएमाणे णिज्झाएमाणे, संतिभेया संतिविभंगा' 'संतिकेवलीपण्णत्ताओ° धम्माओ भंसेज्जा। णो णिग्गंथे इत्थीणं मणोहराइं इंदियाइं आलोएत्तए
णिज्झाइत्तए सियत्ति दोच्चा भावणा ॥ ६७. अहावरा तच्चा भावणा-णो णिग्गंथे इत्थीणं पुव्वरयाई पुव्वकीलियाई
सरित्तए' सिया। केवली बूया-णिग्गंथे णं इत्थीणं पुव्वरयाइं पुव्वकीलियाई सरमाणे, संतिभेया संतिविभंगा संतिकेवलीपण्णत्ताओ धम्माओ° भंसेज्जा।
णो णिग्गंथे इत्थीणं पुव्वरयाई पुव्वकीलियाई सरित्तए सियत्ति तच्चा भावणा।। ६८. अहावरा चउत्था भावणा-णाइमत्तपाणभोयणभोई से णिग्गंथे, णो पणीयरस
भोयणभोई । केवली बूया-अइमत्तपाणभोयणभोई से णिग्गंथे पणीयरसभोयणभोई त्ति, संतिभेदा 'संतिविभंगा संतिकेवलीपण्णत्ताओ धम्माओ° भंसेज्जा।
१. सं० पा०-महव्वए। २. सं० पा०---गच्छेज्जा तं चेव अदिण्णादाण-
वत्तव्वया भाणियव्वा जाव वोसिरामि। ३. मणोहराई २ (क, घ); मणोहराइ रूवाई
मणोहराई (छ)।
४. सं० पा०-सतिविभंगा जाव धम्माओ। ५. सुमरित्तए (अ, क, घ, छ, ब)। ६. स. पा.-संतिभेया जाव भंसेज्जा । ७. सं० पा०-संतिभेदा जाव भंसेज्जा।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |