________________
पनरसमं अज्झयणं (भावणा)
२४३ ४६. एतावताव महव्वए सम्म काएण फासिए पालिए तीरिए किट्टिए अवट्ठिए
आणाए आराहिए यावि भवइ । पढमे भंते ! महत्वए पाणाइवायाओ वेरमणं ।। सच्चमहन्वय-पदं ५०. अहावरं दोच्चं भंते ! महव्वयं-पच्चक्खामि सव्वं मुसावायं वइदोसं-से कोहा
वा, लोहा वा, भया वा, हासा वा, णेव सयं मुसं भासेज्जा, णेवण्णेणं मुसं भासावेज्जा, अण्णं पि मुसं भासंतं ण समणुजाणेज्जा जावज्जीवाए तिविहं तिविहेणं-मणसा वयसा कायसा, तस्स भंते ! पडिक्कमामि' निंदामि
गरिहामि अप्पाणं वोसिरामि ।। सच्चमहव्वयस्स भावणा-पदं ५१. तस्सिमाओ पंच भावणाओ भवंति । तत्थिमा पढमा भावणा -अणुवीइभासी
से णिग्गंथे, णो अणणुवीइभासी। केवली बूया -अणणुवीइभासी से णिग्गंथे समावदेज्जा' मोसं वयणाए । अणुवीइभासी से णिग्गंथे, णो अणणुवीइभासित्ति
पढमा भावणा॥ ५२. अहावरा दोच्चा भावणा-कोहं परिजाणइ से णिग्गंथे, णो कोहणे सिया।
केवली बूया -कोहपत्ते कोही समावदेज्जा मोसं वयणाए। कोह' परिजाणइ से
णिग्गंथे, ण य कोहणे सियत्ति दोच्चा भावणा॥ ५३. अहावरा तच्चा भावणा-लोभं परिजाणइ से णिग्गंथे, णो य लोभणए सिया।
केवलो बूया-लोभपत्ते लोभी समावदेज्जा मोसं वयणाए। लोभं परिजाणइ
से णिग्गंथे, णो य लोभणए सियत्ति तच्चा भावणा ॥ ५४. अहावरा चउत्था भावणा-भयं परिजाणइ से णिग्गंथे, णो भयभीरुए सिया।
केवली बूया-भयप्पत्ते भीरू समावदेज्जा मोसं वयणाए। भयं परिजाणइ से
णिग्गंथे, णो य भयभीरुए सियत्ति चउत्था भावणा ॥ ५५. अहावरा पंचमा भावणा-हासं परिजाणइ से णिग्गंथे, णो य हासणए सिया।
केवली बूया -हासपत्ते हासी समावदेज्जा मोसं वयणाए। हासं परिजाणइ से
णिग्गंथे, णो य हासणए सियत्ति पंचमा भावणा ॥ ५६. एतावताव महव्वए सम्म काएण फासिए' पालिए तीरिए किट्टिए अवट्रिए
आणाए आराहिए यावि भवति । दोच्चे भंते ! महव्वए' 'मुसावायाओ वेरमणं ॥
१. सं० पा०-पडिक्कमामि जाव वोसिरामि। ४. सं० पा०-फासिए जाव आणाए। २. वज्जेज्जा (क, घ, च, छ, ब)।
५. सं० पा०—महव्वए"। ३, कोवं (च, ब)।
Jain Education International
For Private & Personal Use Only
www.jainelibrary.org
