________________
पनरसम अज्झयण (भावणा )
२४१
उजुवालिया' उत्तरे कूले, सामागस्स गाहावइस्स कट्टकरणंसि, वेयावत्तस्स चेइयस्स उत्तरपुरत्थिमे दिसीभाए, सालरुक्खस्स अदूरसामंते, उक्कुडुयस्स, गोदोहिया आयावणाए आयावेमाणस्स छणं भत्तेणं अपाणएणं, उड्ढजाणुअहो सिरस्स, धम्मज्भाणोवगयस्स, झाणकोट्ठोवगयस्स, सुक्कज्भाणंतरियाए माणस, निव्वाणे, कसिणे, पडिपुण्णे, अव्वाहए, णिरावरणे, अणते, अणुत्तरे, केवलवरणाणदंसणे समुप्पण्णे ||
३६. से भगवं अरिहं जिणे जाए, केवली सव्वष्णू सव्वभावदरिसी, सदेवमणुयासुरस्स लोस्स पज्जाए जाणइ, तं जहा - आगतिं गतिं ठिति चयणं उववायं भुत्तं पीयं कडं पडिसेवियं आवीकम्मं रहोकम्मं लवियं कहियं मणोमाणसियं सव्वलोए सव्वजीवाणं सव्वभावाई जाणमाणे पासमाणे, एवं च णं विहरइ ॥ देवागमण-पदं
४०. जण्णं दिवसं समणस्स भगवओ महावीरस्स णिव्वाणे कसिणे' "पडिपुणे अव्वाहए णिरावरणे अणते अणुत्तरे केवलवरणाणदंसणे समुप्पण्णे तण्णं दिवसं भवणवइ-वाणमंतर - जोइसिय विमाणवासि देवेहि य देवीहि य ओवयंतेहि' य • उपयंतेहि य एगे महं दिव्वे देवज्जोए देव-सण्णिवाते देव - कहकहे ° उप्पिलगभू यावि होत्था ॥
धम्मोवदेस-पदं
४१. तओ णं समणे भगवं महावीरे उप्पण्णणाणदंसणधरे अप्पाणं च लोगं च अभिसमेक्ख पुव्वं देवाणं धम्ममाइक्खति, तओ पच्छा मणुस्साणं ॥
४२. तओ णं समणे भगवं महावीरे उप्पण्णणाणदंसणधरे गोयमाईणं समणाणं णिग्गंया पंच महत्वयाई सभावणाई छज्जीवनिकायाई आइक्खइ भासइ' परूवेइ, तं जहा - पुढविकाए' आउकाए, तेउकाए, वाउकाए, वणस्सइकाए, तसकाए ।
अहिंसामहव्वय-पदं
४३. पढमं भंते ! महत्वयं - पच्चक्खामि सव्वं पाणाइवायं से सुहुमं वा बायरं वा, तसं वा थावरं वा -- णेव सयं पाणाइवायं करेज्जा, ठेवण्णेहिं पाणाइवायं
१. उज्जु ° (घ, ब ) ।
२. अरहा ( अ, छ, ब); अरहं (क, घ ) ।
३. जाणए (घ, च) ।
४. भावे ( अ ) ।
५. सं० पा०—–कसिणे जाव समुप्पणे ।
Jain Education International
६. ओवयंतेहि २ ( अ ब ) ।
७. सं० पा० ओवयंतेहि य लगभूए ।
८. भासइ पण्णवइ ( ब ) ।
६. सं० पा०-- पुढविकाए जाव तसकाए ।
For Private & Personal Use Only
जाव उप्पिंज
www.jainelibrary.org