________________
२४०
आयारचूला
अभिग्गह-पदं ३४. तओ णं समणे भगवं महावीरे पव्वइते समाणे मित्त-णाति-सयण-संबंधिवग्गं
पडिविसज्जेति, पडिविसज्जेत्ता इम' एयारूवं अभिग्गहं अभिगिण्हइ-"बारसवासाइं वोसट्टकाए चतदेहे जे केइ उवसग्गा उप्पज्जति', तं जहा-दिव्वा वा, माणुसा वा, तेरिच्छिया' वा, ते सव्वे उवसग्गे समुप्पण्णे समाणे 'अणाइले अव्वहिते अद्दीणमाणसे तिविहमणवयणकायगुत्ते'' सम्मं सहिस्सामि खमिस्सामि
अहियासइस्सामि ॥" विहार-पदं ३५. तओ णं समणे भगवं महावीरे इमेयारूवं अभिग्गहं अभिगिण्हेत्ता 'वोसट्ठकाए
___चत्तदेहे दिवसे मुहत्तसेसे कम्मारं गामं समणुपत्ते ॥ ३६. तओ णं समणे भगवं महावीरे वोसट्टचत्तदेहे अणुत्तरेणं आलएणं, अणुत्तरेणं
विहारेणं, अणुत्तरेणं संजमेणं, अणुत्तरेणं पग्गहेणं, अणुत्तरेणं संवरेणं, अणुत्तरेणं तवेणं, अणुत्तरेणं बंभचेरवासेणं, अणुत्तराए खंतीए, अणुत्तराए मोत्तीए, अणुत्तराए तुट्ठीए, अणुत्तराए समितीए, अणुत्तराए गुत्तीए, अणुत्तरेणं ठाणेणं, अणुत्तरेणं कम्मेणं, अणुत्तरेणं सुचरियफलणिव्वाणमुत्तिमग्गेणं अप्पाणं भावेमाणे
विहरइ ।। ३७. एवं विहरमाणस्स जे केइ उवसग्गा समुपज्जिसु-दिव्वा वा माणुसा वा
तेरिच्छिया वा, ते सव्वे उवसग्गे समुप्पन्ने समाण अणाइले अव्वहिए अदीण'
माणसे तिविहमणवयणकायगुत्ते सम्म सहइ खमइ तितिक्खइ अहियासेइ ।। केवलनाण-लद्धि-पदं ३८. तओ णं समणस्स भगवओ महावीरस्स एएणं विहारेणं विहरमाणस्स बारस
वासा विइक्कंता, तेरसमस्स य वासस्स परियाए वट्टमाणस्स जे से गिम्हाणं दोच्चे मासे चउत्थे पक्खे-वइसाहसुद्धे, तस्सणं वइसाहसुद्धस्स दसमीपक्खेणं, सुव्वएणं दिवसेणं, विजएणं मुहुत्तेणं, हत्थुत्तराहि णक्खत्तेणं जोगोवगतेणं, पाईणगामिणीए छायाए, वियत्ताए पोरिसीए, भियगामस्स णगरस्स बहिया णईए
१. तओणं इमं (छ)। २. चियत्त ° (च, छ, ब)। ३. समुप्पज्जति (घ, छ, ब)। ४. तेरिच्छा (च, ब)। ५. X (अ, क, घ, च, ब)। ६. वोसढचत्त देहे (क,घ); बोसटुचियत्तदेहे (छ)।
७. कुमार (क, घ, च, छ, ब)। ८. कम्मेण (क, घ, च, छ)।
९. ०पज्जति (क, घ, ब)। १०. माणुस्सा (च)। ११. अद्दीण (अ, घ, च)।
Jain Education International
For Private & Personal Use Only
www.jainelibrary.org
