Page Text
________________
अट्ठमं अज्झयणं (ठाण-सत्तिक्कयं)
१६७ पडियाए कडिए वा, उक्कंबिए वा, छन्ने वा, लित्ते वा, घटे वा, मढे वा, संमढे वा, संपधूमिए वा। तहप्पगारे ठाणे अपुरिसंतरकडे, अणत्तट्ठिए, अपरिभुत्ते,
अणासेविए णो ठाणं वा, सेज्ज वा, णिसीहियं वा चेतेज्जा। ११. अह पुणेवं जाणेज्जा पुरिसंतरकडे, अत्तट्ठिए, परिभुत्ते, आसेविए पडिलेहित्ता
पमज्जित्ता तओ संजयामेव ठाणं वा, सेज्जं वा, णिसीहियं वा चेतेज्जा॥ १२. से भिक्खू वा भिक्खुणी वा सेज्ज पुण ठाणं जाणेज्जा-अस्संजए भिक्खु-पडियाए
खुड्डियाओ दुवारियाओ महल्लियाओ कुज्जा, महल्लियाओ दुवारियाओ खुड्डियाओ कुज्जा, समाओ सिज्जाओ विसमाओ कुज्जा, विसमाओ सिज्जाओ समाओ कज्जा, पवायाओ सिज्जाओ णिवायाओ कुज्जा, णिवायाओ सिज्जाओ पवायाओ कुज्जा, अंतो वा बहिं वा ठाणस्स हरियाणि छिदिय-छिदिय दालियदालिय संथारगं संथारेज्जा, बहिया वा णिण्णक्खु, तहप्पगारे ठाणे अपुरिसंतरकडे, अणत्तट्ठिए, अपरिभुत्ते, अणासेविते णो ठाणं वा, सेज्ज वा णिसीहियं
वा चेतेज्जा ॥ १३. अह पुणेवं जाणेज्जा-पुरिसंत रकडे, अत्तट्टिए, परिभुत्ते, आसेविए पडिले हित्ता
पमज्जित्ता तओ संजयामेव ठाणं वा, सेज्जं वा, णिसीहियं वा चेतेज्जा ।। बहिया निस्सारिय-ठाण-पदं १४. से भिक्खू वा भिक्खुणी वा सेज्जं पुण [ठाणं ? ] जाणेज्जा- अस्संजए भिक्खु
पडियाए उदगप्पसूयाणि कंदाणि वा, मूलाणि वा, [तयाणि वा ?], पत्ताणि वा, पुप्फाणि वा, फलाणि वा, बीयाणि वा, हरियाणि वा ठाणाओ ठाणं साहरति, बहिया वा णिण्णक्खु, तहप्पगारे ठाणे अपुरिसंतरकडे, अणत्तट्ठिए, अपुरिभुत्ते,
अगासेविते णो ठाणं वा, सेज्ज वा, णिसीहियं वा चेतेज्जा। १५. अह पुणेवं जाणेज्जा--पुरिसंतरकडे, अत्तट्टिए, परिभुत्ते, आसेविए पडिलेहित्ता
पमज्जित्ता तओ संजयामेव ठाणं वा, सेज्ज वा णिसीहियं वा चेतेज्जा ॥ ठाण-पडिमा-पदं १६. इच्चेयाइं आयतणाई उवातिकम्म, अह भिक्खू इच्छेज्जा चउहि पडिमाहिं ठाणं
ठाइत्तए। १७. तत्थिमा पढमा पडिमा-अचित्तं खलु उवसज्जिस्सामि', अवलंबिस्सामि, कारण
विपरिक्कमिस्सामि, सवियारं ठाणं ठाइस्सामि त्ति पढमा पडिमा ॥
१. आयाणाई (क, घ, च)। २. आदर्शषु सूत्रचतुष्टयेऽपि 'उवसज्जेज्जा अव
लंबेज्जा, काएण विपरिक्कमादी' इति पाठो
वर्तते । किन्तु प्रस्तुतपाठश्चूणिवृत्त्योराधारेण स्वीकृतः।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |