Page Text
________________
१६८
आयारचूला
१८. अहावरा दोच्चा पडिमा -- अचित्तं खलु उवसज्जिस्सामि, अवलंबिस्सामि, कारण विपरिक्कमिस्सामि, णो सवियारं ठाणं ठाइस्सामि त्ति दोच्चा पडिमा || १६. अहावरा तच्चा पडिमा - अचित्तं खलु उवसज्जिस्सामि, णो अवलंबिस्सामि, णो काण विपरिक्कमिस्सामि, णो सवियारं ठाणं ठाइस्सामि त्ति तच्चा पडिमा || २०. अहावरा चउत्था पडिमा - अचित्तं खलु' उवसज्जिस्सामि, णो अवलंबिस्सामि, णो काण विपरिक्aमिस्सामि, णो सवियारं ठाणं ठाइस्सामि, वोसट्टकाए वोसट्टकेस-मंसु-लोम-णहे सण्णिरुद्धं वा ठाणं ठाइस्सामि त्ति चउत्था पडिमा || २१. इच्चेयासि चउन्हं पडिमाणं' अण्णयरं पडिमं पडिवज्जमाणे णो एवं वएज्जा मिच्छा पडिवन्ना खलु एते भयंतारो, अहमेगे सम्मं पडिवन्ने ।
जे ते भयंता एयाओ पडिमाओ पडिवज्जित्ताणं विहरंति, जो य अहमंसि एयं पडिमं पडिवज्जित्ताणं विहरामि सव्वे वे ते उ जिणाणाए उवट्ठिया अणोण समाहीए एवं च णं विहरति ।।
संथारग-पच्चप्पण-पदं
पुण
२२. से भिक्खू वा भिक्खुणी वा अभिकखेज्जा संथारगं पच्चप्पिणित्तए । सेज्जं । संथारगं जाणेज्जा - सअंडं सपाणं सबीयं सहरियं सउस सउदयं सउत्तिग-पणगदग-मट्टिय-मक्कडासंताणगं, तहप्पगारं संथारगं णो पच्चपिज्जा ।।
२३. से भिक्खू वा भिक्खुणी वा अभिकंखेज्जा संथारगं पच्चप्पिणित्तए । सेज्जं पुण संथारगं जाणेज्जा --- अप्पंड अप्पपाणं अप्पबीयं अप्पहरियं अप्पोसं अप्पुदयं अप्पुत्तिग-पग दग-मट्टिय - मक्कडासंताणगं, तहप्पगारं संथारगं पडिलेहियपडिले हिय, पमज्जिय-मज्जिय, आयाविय आयाविय, विणिगुणिय-विणिर्द्धाणिय तओ संजयामेव पच्चष्पिणेज्जा ॥
उच्चार पासवणभूमि-पदं
२४. से भिक्खू वा भिक्खुणी वा समाणे वा वसमाणे वा, गामाणुगामं दूइज्जमाणे वा पुव्वामेव णं पण्णस्स उच्चार- पासवणभूमि पडिले हिज्जा ।।
२५. केवली ब्रूया आयाणमेयं - अपडिलेहियाए उच्चारपासवणभूमीए, भिक्खू वा भिक्खुणी वा राओ वा विआले वा उच्चारपासवणं परिद्ववेमाणे पयलेज्ज वा पवडेज्ज वा, से तत्थ पयलमाणे वा पवडमाणे वा, हत्थं वा, पायं वा, बाहुं वा, ऊरु वा, उदरं वा, सीसं वा, अण्णयरं वा कार्यसि इंदिय-जायं लूसेज्ज वा, पाणाणि वा भूयाणि वा जीवाणि वा सत्ताणि वा अभिहणेज्ज वा, वत्तेज्ज वा, लेसेज्ज वा, संघंसेज्ज वा, संघट्टेज्ज वा, परियावेज्ज वा, किलामेज्ज वा, ठाणाओ ठाणं संकामेज्ज वा, जीविआओ ववरोवेज्ज वा ।
१. खलु णो (क, ब) ।
२. सं० पा० - परिमाणं जाव पग्गहियतरागं ।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |