Page Text
________________
१६६
आयारचूला
अत्तट्ठिए वा अणत्तट्ठिए वा परिभुक्ते वा अपरिभुत्ते वा, आसेविते वा अणसेविते वा णो ठाणं वा, सेज्जं वा, णिसीहियं वा चेतेज्जा ||
४. सेज्जं पुण ठाणं जाणेज्जा - अस्सिपडियाए बहवे साहम्मिया समुद्दिस्स पाणाई भूगाई जीवाई सत्ताई समारम्भ समुद्दिस्स कीयं पामिच्चं अच्छेज्जं अणिसट्ठ आट्टु चेतेति । तहृप्पगारे ठाणे पुरिसंतरकडे वा अपुरिसंत रकडे वा, अत्तट्ठिए वा अणत्तट्ठिए वा, परिभुत्ते वा अपरिभुत्ते वा, आसेविते वा अणसेविते वाणो ठाणं वा, सेज्जं वा, णिसीहियं वा चेतेज्जा | ५. सेज्जं पुण ठाणं जाणेज्जा - अस्सिपडियाए एवं साहम्मिणि समुद्दिस्स पाणाई भूयाई जीवाई सत्ताई समारम्भ समुद्दिस्स कीयं पामिच्चं अच्छेज्जं अणिसट्ठ अभि आट्टु चेतेति । तहप्पगारे ठाणे पुरिसंतरकडे वा अपुरिसंतरकडे वा, अतए वा अणत्तट्ठिए वा परिभुत्ते वा अपरिभुत्ते वा, आसेविते वा अणसेविते वाणो ठाणं वा, सेज्जं वा, णिसीहियं वा चंतेज्जा ।।
६.
सेज्जं पुण ठाणं जाणेज्जा - अस्सिपडियाए बहवे साहम्मिणीओ समुद्दिस्स पाणाई भूयाई जीवाई सत्ताइं समारम्भ समुद्दिस्स कीयं पामिच्चं अच्छेज्जं अभि ट्टु चेतेति । तहप्पगारे ठाणे पुरिसंतरकडे वा अपुरिसंतरकडे वा अत्तट्ठिए वा अणत्तट्ठिए वा, परिभुत्तं वा अपरिभुत्ते वा, आसेविते वा अणसेविते वाणो ठाणं वा, सेज्जं वा, णिसीहियं वा चेतेज्जा ॥ समण - माहणाइ- समुद्दिस्स-ठाण-पदं
७. से भिक्खू वा भिक्खुणी वा सेज्जं पुण ठाणं जाणेज्जा - बहवे समण - माहणअतिहि - कवण - वणीमए पगणिय-पगणिय समुद्दिस्स पाणाई भूयाई जीवाई सत्ताइं समारम्भ समुद्दिस्स कीयं पामिच्चं अच्छेज्जं अणिसट्टं अभिहडं आहट्टु चेएइ । तहप्पगारे ठाणे पुरिसंतरकडे वा अपुरिसंतरकडे वा अत्तट्ठिए वा अणत्तट्ठिए वा परिभुत्ते वा अपुरिभुत्तेवा, आसेविए वा अणासेविए वा णो ठाणं वा, सेज्जं वा, णिसीहियं वा चेतेज्जा ।।
८.
सेभिक्खू वा भिक्खुणी वा सेज्जं पुण ठाणं जाणेज्जा - बहवे समण- माहणअतिहि- किवण - वणीमए समुद्दिस्स पाणाई भूयाई जीवाई सत्ताइं समारम्भ समुद्दिस्सकीय पामिच्चं अच्छेज्जं अणिसट्ठे अभिहडं आहट्टु चेएइ । तहप्पगारे ठाणे अपुरिसंतरकडे, अणत्तट्टिए, अपुरिभुत्ते, अणासेविए णो ठाणं वा, सेज्जं वा, णिसीहियं वा चेतेज्जा ।
६. अह पुणेव जाणेज्जा - पुरिसंतरकडे, अत्तट्ठिए, परिभुत्ते, आसेविए पडिले हित्ता मज्जित्ता तओ संजयामेव ठाणं वा, सेज्जं वा, णिसीहियं वा चेतेज्जा ।।
परिकम्मिय-ठाण-पदं
१०. सेभिक्खू वा भिक्खुणी वा सेज्जं पुण ठाणं जाणेज्जा - अस्संजए भिक्खु
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |