Page Text
________________
आयारचूला
पउमेण वा आघंसित्ता वा, पघंसित्ता वा समणस्स णं दासामो।" एयप्पगारं णिग्घोसं सोच्चा णिसम्म से पुवामेव आलोएज्जा-“आउसो ! त्ति वा भइणि ! त्ति वा मा एयं तुमं वत्थं सिणाणेण वा जाव आघसाहि वा पघंसाहि वा, अभिकंखसि मे दाउं? एमेव दलयाहि ।" से सेवं वयंतस्स परो सिणाणेण वा जाव आघंसित्ता वा पघंसित्ता वा दलएज्जा, तहप्पगारं वत्थं-अफासुयं' 'अणेसणिज्जं ति मण्णमाणे लाभे संते ° णो
पडिगाहेज्जा॥ वत्थ-उच्छोलण-पदं २४. से णं परो णेत्ता वएज्जा-"आउसो ! त्ति वा भइणि ! त्ति वा आहरेयं
वत्थं सीओदग-वियडेण वा, उसिणोदग-वियडेण वा उच्छोलेत्ता वा', पधोवेत्ता वा समणस्स णं दासामो।" एयप्पगारं णिग्घोसं सोच्चा णिसम्म से पव्वामेव आलोएज्जा-"आउसो ! त्ति वा भइणि ! त्ति वा मा एयं तुम वत्थं सिओदग-वियडेण वा, उसिणोदग-वियडेण वा उच्छोलेहि वा पधोवेहि वा, अभिकखसि' मे दाउं ? एमेव दलयाहि ।” से सेवं वयंतस्स परो सीओदग-वियडेण वा, उसिणोदग-वियडेण वा उच्छोलेत्ता वा पधोवेत्ता वा दलएज्जा, तहप्पगारं वत्थं--अफासुयं अणेसणिज्जं ति
मण्णमाणे लाभे संते ° णो पडिगाहेज्जा ॥ वत्थ-विसोहण-पदं २५. से णं परो णेत्ता वएज्जा- “आउसो ! त्ति वा भइणि ! त्ति वा आहरेयं
वत्थं-कंदाणि वा', 'मूलाणि वा, [तयाणि वा ? ], पत्ताणि वा, पुप्फाणि वा, फलाणि वा, बीयाणि वा°, हरियाणि वा विसोहित्ता समणस्स णं दासामो।" एयप्पगारं णिग्घोसं सोच्चा णिसम्म से पुवामेव आलोएज्जा-“आउसो ! त्ति वा भइणि ! त्ति वा मा एयाणि तुमं कंदाणि वा जाव हरियाणि वा विसोहेहि, णो खलु मे कप्पइ एयप्पगारे वत्थे पडिगाहित्तए।" से सेवं वयंतस्स परो कंदाणि वा जाव हरियाणि वा विसोहित्ता दलएज्जा, तहप्पगारं वत्थं-अफासुयं 'अणेसणिज्जं ति मण्णमाणे लाभे संते° णो
पडिगाहेज्जा। वत्थ-पडिलेहण-पदं २६. सिया से परो णेत्ता वत्थं णिसिरेज्जा। से पुवामेव आलोएज्जा–आउसो !
त्ति वा भइणि ! त्ति वा तुमं चेव णं संतियं वत्थं अंतोअंतेणं पडिले हिस्सामि ।। १. सं० पा०–अफासुयं जाव णो।
४. सं० पा०-अभिकखसि सेसं तहेव जाव णो। २. X (छ)।
५. सं० पा०-कंदाणि वा जाव हरियाणि । ३. पच्छोलेत्ता (छ)।
६. सं० पा०–अफासुयं जाव णो।
Jain Education International
For Private & Personal Use Only
www.jainelibrary.org
| SR No. | 003551 |
| Book Title | Angsuttani Part 01 - Ayaro Suyagao Thanam Samavao |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1108 |
| Language | Prakrit |
| Classification | Book_Devnagari, Agam, & Canon |
| File Size | 17 MB |