________________
पढमं अज्झयणं (सत्थपरिणा-सत्तमो उद्देसो) १५१. अणगारा मोत्ति एगे पवयमाणा ।। १५२. जमिणं विरूवरूवेहिं सत्थेहिं वाउकम्म-समारंभेणं वाउ-सत्थं समारंभमाणे
अण्णे वणेगरूवे पाणे विहिंसति ॥ १५३. तत्थ खलु भगवया परिण्णा पवेइया । १५४. इमस्स चेव जीवियस्स, परिवंदण-माणण-पूयणाए, जाई-मरण-मोयणाए,
दुक्खपडिघायहेउं । १५५. से सयमेव वाउ-सत्थं समारंभति, अण्णेहिं वा वाउ-सत्थं समारंभावेति, अण्णे
वा वाउ-सत्थं समारंभंते समणुजाणइ॥ १५६. तं से अहियाए, तं से अबोहीए॥ १५७. से तं संबुज्झमाणे, आयाणीयं समुठ्ठाए । १५८. सोच्चा भगवओ, अणगाराणं वा अंतिए इहमेगेसिं णायं भवइ-एस खलु गंथे,
एस खलु मोहे, एस खलु मारे, एस खलु णिरए । १५६. इच्चत्थं गढिए लोए॥ १६०. जमिणं विरूवरूवेहि सत्थेहिं वाउकम्म-समारंभेणं वाउ-सत्थं समारंभमाणे
अण्णे वणेगरूवे पाणे विहिंसति ।। वाउकाइयाणं जीवत्त-वेदणाबोध-पदं १६१. से बेमि-अप्पेगे अंधमब्भे, अप्पेगे अंधमच्छे । १६२. अप्पेगे पायमन्भे, अप्पेगे पायमच्छे ।। १६३. अप्पेगे संपमारए, अप्पेगे उद्दवए । हिंसाविवेग-पदं १६४. से बेमि–संति संपाइमा पाणा, आहच्च संपयंति य ॥
फरिसं च खलु पुट्ठा, एगे संघायमावज्जंति ॥ जे तत्थ संघायमावज्जति, ते तत्थ परियावज्जति,
जे तत्थ परियावज्जंति, ते तत्थ उद्दायति ॥ १६५. एत्थ सत्थं समारंभमाणस्स इच्चेते आरंभा अपरिण्णाया भवंति ।। १६६. एत्थ सत्थं असमारंभमाणस्स इच्चेते आरंभा परिण्णाया भवंति ।। १६७. तं परिणाय मेहावी णेव सयं वाउ-सत्थं समारंभेज्जा, णेवण्णेहिं वाउ-सत्थ
समारंभावेज्जा, णेवण्णे वाउ-सत्थं समारंभंते समणुजाणेज्जा। १६८. जस्सेते वाउ-सत्थ-समारंभा परिणाया भवंति, से हु मुणी परिण्णाय-कम्मे
त्ति बेमि ।।
१. द्रष्टव्यम्-११५३ सूत्रस्य पादटिप्पणम् ।
Jain Education International
For Private & Personal Use Only
www.jainelibrary.org
