________________ चौथी दशा आठ प्रकार की गणि-सम्पदा सुयं मे आउसं ! तेणं भगवया एवमक्खायं-इह खलु थेरेहि भगवंतेहिं अटुबिहा गणिसंपया पण्णत्ता। ५०-कयरा खलु ता थेरेहि भगवंतेहिं अट्ठविहा गणिसंपया पण्णता? उ.-इमा खलु ता थेरेहिं भगवंतेहिं अट्ठविहा गणिसंपया पण्णता, तं जहा 1. प्रायारसंपया, 2. सुयसंपया, 3. सरीरसंपया, 4. वयणसंपया, 5. वायणासंपया, 6. मइसंपया, 7. पओगमइसंपया, 8. संगह-परिण्णा णामं अट्ठमा संपया। 1. प०-से कि तं आयारसंपया ? उ०-आयारसंपया चरविहा पण्णत्ता, तं जहा 1. संजम-धुव-जोग-जुत्ते यावि भवइ, 2. असंपग्गहिय-अप्पा, 3. अणियत-वित्ती, 4. वुडसीले यावि भवइ / से तं आयारसंपया। 2. ५०-से कि तं सुयसंपया ? उ.-सुयसंपया चउन्विहा पण्णत्ता, तं जहा-- 1. बहुस्सुए यावि भवइ, 2. परिचियसुए यावि भवइ, 3. विचित्तसुए यावि भवइ, 4. घोसविसुद्धिकारए यावि भवइ / से तं सुयसंपया। 3. प०-से कि तं सरीरसंपया ? उ.-सरीरसंपया चउम्विहा पण्णता, तं जहा 1. आरोहपरिणाहसंपन्ने यावि भवइ, 2. अणोतप्पसरीरे यावि भवइ, 3. थिरसंघयणे यावि भवइ, 4. बहुपडिपुण्णिदिए यावि भवइ / से तं सरीरसंपया। 4. ५०-से कि तं वयणसंपया ? उ.-वयणसंपया चउन्विहा पण्णता, तं जहा 1. प्रादेयवयणे यावि भवइ, 2. महुरवयणे यावि भवइ, 3. अणिस्सियवयणे यावि भवई, 4. असंदिद्धवयणे यावि भवइ / से तं वयणसंपया। 5. प०-से किं तं वायणासंपया उ०—वायणासंपया चउव्विहा पण्णत्ता, तं जहा 1. विजयं उद्दिसइ, 2. विजयं वाएइ, 3. परिनिवावियं वाएइ, 4. प्रत्थनिज्जावए यावि भवइ / से तं वायणासंपया। Jain Education International For Private & Personal Use Only www.jainelibrary.org
