Page Text
________________ 18] [जम्बूद्वीपप्रज्ञप्तिसूत्र वण्णओ, घंटापडागपरिमंडिअग्गसिहरे, धवले, मरीइकवयं विणिम्मुभंते, लाउल्लोइअमहिए, (गोसोस-सरसरत्तचंदण-दद्दरदिन्नपंचंगुलितले, उवचियचंदणकलसे, चंदणघड-सुकयतोरणपडिदुवारदेसभागे, आसत्तोसत्तविउलवट्टवग्घारियमल्लदामकलावे, पंचवण्णसरससुरभिमुक्कपुप्फयुजोक्यारकलिए, कालागुरुपवरकुदरुक्क-तुरुक्क-धूव-मघमघंतगंधुद्ध याभिरामे, सुगंधवरगंधिए, गंधवट्टिभूए)। तस्स णं सिद्धाययणस्स तिदिसि तओ दारा पण्णत्ता। ते णं दारा पंच धणुसयाई उड्ड उच्चत्तणं, अड्डाइज्जाई धणुसयाई विक्खंभेणं, तावइयं चेव पवेसेणं, सेअवरकणगथूभित्रागा दारवष्णओ जाव वणमाला। तस्स णं सिद्धाययणस्स अंतो बहुसमरमणिज्जे भूमिभागे पण्णत्ते, से जहाणामए आलिंगपुक्खरेइ वा जाव' तस्स णं सिद्धाययणस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महं एगे देवच्छंदए पण्णत्ते-पंचधणुसयाई आयामविक्खंभेणं, साइरेगाइं पंच धणुसयाई उड्ड उच्चत्तेणं, सन्वरयणामए / एत्थ णं अट्ठसयं जिणपडिमाणं जिणुस्सहेप्पमाणमित्ताणं संनिक्खित्तं चिट्ठइ, एवं (तासि णं जिणपडिमाणं अयमेयारूवे वण्णावासे पण्णत्ते, तं जहा-तवणिज्जमया हत्थतलपायतला, अंकामयाइं णक्खाइं अंतोलोहियक्खपडिसेगाई, कणगामया पाया, कणगामया गुप्फा, कणगामईओ जंघाओ, कणगामया जाणू, कणगामया ऊरू, कणगामईनो गायलट्ठीओ रिट्टामए मंसू, तवणिज्जमईओ भाभीहो, रिट्ठामइओ रोमराईनो, तवणिज्जमया चुच्चुत्रा, तवणिज्जमया सिरिवच्छा, कणगमईओ बाहाओ, कणगामईओ गीवाओ, सिलप्पवालमया उट्ठा, फलिहामया दंता, तवणिज्जमईओ जीहाओ, तवणिज्जमईआ तालुआ, कणगमईओ णासिगाओ अंतोलोहिअक्खपडिसेगाओ, अंकामयाइं अच्छोणि अंतोलोहिअक्खपडिसेगाई, पुलगामईओ दिट्ठीओ, रिट्ठामईओ तारगानो, रिटामयाई अच्छिपत्ताई, रिट्ठामईओ भमुहाओ, कणगामया कवोला, कणगामया सवणा, कणगामईओ पिडालपट्टियाओ, वइरामईओ सीसघडीओ, तवणिज्जमईओ केसंतकेसभूमिओ, रिद्वामया उवरिमुद्धया। तासि णं जिमपडिमाणं पिट्ठओ पत्तेयं 2 छत्तधारपडिमा पण्णत्ता। तानो णं छत्तधार. पडिमाओ हिमरययकु दिदुप्पगासाई सकोरंटमल्लदामाई, धवलाई आयवत्ताई सलीलं ओहारेमाणीओ चिट्ठति / तासि णं जिणपडिमाणं उभओ पासि पत्तेअं२ दो दो चामरधारपडिमाओ पण्णत्ताओ। ताओ णं चामरधारपडिमानो चंदप्पहवइरवेरुलियणाणामणिकणगरयणखइअमहरिहतवणिज्जुज्जलविचित्तदंडामो, चिल्लियाओ, संखककुददगरयमयमहिअफेणपुंजसनिकासाओ, सुहमरययदोहवालाओ, धवलामो चामराओ सलोलं धारेमाणीओ चिट्ठति / तासि णं जिणपडिमाणं पुरओ दो दो णागपडिमाओ, दो दो जक्खपडिमाओ, दो दो भूअपडिमाओ, दो दो कुडधारपडिमानो विणओणयाओ, पायवडियाओ, पंजलिउडाओ, सन्निक्खित्ताओ चिट्ठति-सव्वरयणामईओ, अच्छाप्रो, सण्हाओ, लण्हाओ, घट्ठाओ, मट्ठाओ, नीरयाओ, निप्पंकाओ जाव पडिरूवाओ। 1. 'देखें सूत्र संख्या 6 Jain Education International For Private & Personal Use Only www.jainelibrary.org
| SR No. | 003486 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 480 |
| Language | Prakrit, Hindi |
| Classification | Book_Devnagari |
| File Size | 13 MB |