________________ षष्ठ वक्षस्कार] [313 जंबुद्दीवेणं भंते ! दीवे कति वासा पण्णता ? गोयमा ! सत्त वासा, तं जहा-भरहे, एरवए, हेमवए, हिरण्णवए, हरिवासे, रम्मगवासे, महाविदेहे। जंबुद्दीवे गं भंते ! दीवे केवइया वासहरा पण्णत्ता, केवइआ मंदरा पव्वया पण्णत्ता, केवइआ चित्तकूडा, केवइया विचित्तकूडा, केवइआ जमग-पन्वया, केवइआ कंचण-पव्वया, केवइआ वक्खारा, केवइआ दीहवेअद्धा, केवहा वट्टवेअद्धा पण्णता? गोयमा ! जंबुद्दीवे छ वासहर-पव्वया, एगे मंदरे पव्वए, एगे चित्तकूडे, एगे विचित्तकूडे, दो जमग-पन्वया, दो कंचणग-पवयसया, वीसं वक्खार-पव्वया, चोत्तीसं दीहवेअद्धा, चत्तारि वट्टवेअद्धा, एवामेव सपुव्वावरेणं जंबुद्दीवे दीवे दुणि अउणत्तरा पल्वय-सया भवंतीतिमक्खायंति। जंबुद्दीवे णं भंते ! दीवे केवइआ वासहर-कूडा, केवइया वक्खार-कूड, केवइया वेनद्धकूडा, केवइआ मंदर-कूडा पण्णता? गोयमा ! छप्पण्णं वासहर-कूडा, छण्णउइं वक्खार-कूडा, तिण्णि छलुत्तरा वेअद्ध-कूड-सया, नव मंदर-कूडा पण्णत्ता, एवामेव सपुग्वावरेणं जंबुद्दीवे चत्तारि सत्तट्ठा कूड-सया भवन्तीतिमक्खायं / जंबुद्दीवे दीवे भरहे वासे कति तित्था पण्णता? गोयमा ! तओ तित्था पण्णत्ता, तं जहा-मागहे, वरदामे, पभासे / जंबुद्दीवे दीवे एरवए वासे कति तित्था पण्णत्ता ? गोयमा ! तो तित्था पण्णता, तं जहा~मागहे, वरदामे, पभासे / एवामेव सपुव्वावरेणं जंबुद्दीवे दीवे महाविदेहे वासे एगमेगे चक्कवट्टिविजए कति तित्था पण्णता? गोयमा ! तओ तित्था पणत्ता, तं जहा—मागहे, वरदामे, पभासे, एवामेव सपुवावरेणं जंबुद्दीवे दोघे एगे विउत्तरे तित्थ-सए भवतीतिमक्खायंति / जंबुद्दीवे णं भंते ! दीवे केवइआ विज्जाहर-सेढीओ, केवइआ प्राभियोग-सेढीनो पण्णत्ताओ? गोयमा ! जंबुद्दीवे दीवे अट्ठसट्ठी विज्जाहर-सेढीयो, अट्ठसट्ठी आभियोग-सेढीनो पण्णत्ताओ, एवामेव सपुत्वावरेणं जंबुद्दोवे दोवे छत्तीसे सेढि-सए भवतीतिमक्खायं / जंबुद्दीवे दीवे केवइआ चक्कट्टिविजया, केवइआनो रायहाणीयो, केवइआओ तिमिसगुहायो, केवइआनो खंडप्पवायगुहाओ, केवइमा कयमालया देवा, केवइया णट्टमालया देवा, केवइया उसभकूडा पण्णता? __गोयमा ! जंबुद्दीवे दीवे चोत्तीसं चक्कवट्टि-विजया, चोत्तीसं रायहाणीओ, चोत्तीसं तिमिसगुहाओ, चोत्तीसं खंडप्पवाय-गुहागो, चोत्तीसं कयमालया देवा, चोत्तीसं णट्टमालया देवा, चोत्तीसं उसभ-कूडा पव्वया पण्णत्ता। जंबुद्दीवे णं भंते ! दोवे केवइया महदहा पण्णत्ता ? Jain Education International For Private & Personal Use Only www.jainelibrary.org