Page Text
________________ चतुर्थ वक्षस्कार] [213 सुभाणं, कल्लाणाणं कडाणं कम्माणं कल्लाण-फल-वित्ति-विसेसं पच्चणुभवमाणा) भुजमाणा विहरंति, से तेणठेणं गोयमा ! एवं वुच्चइ-जमग-पव्वया 2 अदुत्तरं च णं सासए णामधिज्जे जाव जमगपव्वया 2 / कहि णं भन्ते ! जमगाणं देवाणं जमिगाओ रायहाणीओ पण्णताओ? गोयमा ! जम्बुद्दीवे दोवे मन्दरस्स पव्वयस्स उत्तरेणं अण्णमि जम्बुद्दीवे 2 बारस जोअणसहस्साई ओगाहित्ता एत्थ णं जमगाणं देवाणं जमिगायो रायहाणीनो पण्णताओ। बारस जोअणसहस्साई आयामविक्खम्भेणं, सत्तत्तीसं जोअणसहस्साई णव य अडयाले जोअणसए किंचिविसेसाहिए परिक्खेवणं / पत्तेअं 2 पायारपरिक्खित्ता / ते णं पागारा सत्तत्तीसं जोअणाई प्रद्धजोअणं च उद्ध उच्चत्तणं, मूले अद्धत्तेरसजोषणाई विक्खम्भेणं, मज्झे छ सकोसाइं जोअणाई विक्खम्भेणं, उरि तिणि सपद्धकोसाई जोप्रणाई विक्खम्भेणं, मूले विच्छिण्णा, मज्झे संखित्ता, उपि तणुपा, बाहिं बट्टा, अंतो चउरंसा, सन्वरयणामया, अच्छा / ते गं पागारा जाणामणिपञ्चवर्णोहिं कविसीसएहि उबसोहिआ, तं जहा-किण्हेहि जाव' सुक्किल्लेहि / ते णं कविसीसगा अद्धकोसं पायामेणं, देसूणं अद्धकोसं उद्ध उच्चत्तेणं, पञ्च धणुसयाई बाहल्लेणं, सम्वमणिमया, अच्छा / ___जमिगाणं रायहाणीणं एगमेगाए बाहाए पणवीसं पणवीसं दारसयं पण्णतं / तेणं दारा बाट्ठि जोगणाई अद्धजोप्रणं च उद्धं उच्चत्तेणं, इक्कतीसं जोषणाई कोसं च विक्खम्भेणं, तावइनं चेव पवेसेणं / सेआ वरकणगथूभिप्रागा एवं रायप्पसेणइज्जविमाणवत्तव्वयाए दारवण्णओ जाव अट्ठमंगलगाई ति। जमियाणं रायहाणीणं चउद्दिसि पञ्च पञ्च जोअणसए अबाहाए चत्तारि वणसण्डा पण्णता, तं जहा–१. असोगवणे, 2. सत्तिवण्णवणे, 3. चंपगवणे, 4. चूअवणे। ते णं वणसंडा साइरेगाई बारसजोअणसहस्साई आयामेणं, पञ्च जोअणसयाई विक्खंभेणं / पत्तेअं२ पागारपरिक्खित्ता किण्हा, वणसण्डवण्णो भूमीओ पासायव.सगा य भाणिअश्वा / जमिगाणं रायहाणीणं अंतो बहुसमरमणिज्जे भूमिभागे पण्णत्ते वण्णगोत्ति / तेसि णं बहसमरमणिज्जाणं भूमिभागाणं बहुमज्भदेसभाए एत्थ णं दुवे उवयारियालयणा पण्णत्ता। बारस जोअणसयाई आयामविक्खम्भेणं, तिणि जोअणसहस्साई सत्त य पञ्चाणउए जोअणसए परिक्खेवेणं, अद्धकोसं च बाहल्लेणं, सव्वजंबूणयामया, अच्छा। पत्तेअं पत्तेअं पउमवरवेइमापरिक्खित्ता, पत्तधे पत्तेय वणसंडवण्णो भाणिअन्वो, तिसोवाणपडिरूवगा तोरणचउद्दिसि भूमिभागा य भाणिग्रवत्ति / तस्स णं बहुमज्झदेसभाए एत्थ णं एगे पासायव.सए पण्णत्ते / बाढि जोप्रणाई अद्धजोप्रणं च उद्धं उच्चत्तेणं, इक्कतीसं जोअणाई कोसं च पायामविक्खम्भेणं वण्णो उल्लोमा भूमिभागा 1. देखें सूत्र संख्या 4 Jain Education International For Private & Personal Use Only www.jainelibrary.org
| SR No. | 003486 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 480 |
| Language | Prakrit, Hindi |
| Classification | Book_Devnagari |
| File Size | 13 MB |