Page Text
________________ 134} [जम्बूद्वीपप्राप्तिसूत्र मेघमुख देवों द्वारा उपद्रव 74. तए णं ते पावाडचिलाया सुसेणसेणावइणा हयमहिआ जाव' पडिसेहिया समाणा भीआ तत्था वहिला उव्विग्गा संजायभया अस्थामा अबला अवीरित्रा अपुरिसक्कारपरक्कमा अधारणिज्जमिति कटु अणेगाई जोषणाई प्रवक्कमति 2 ता एगयो मिलायंति 2 ता जेणेव सिंधू महाणई तेणेव उवागच्छंति 2 त्ता वालुप्रासंथारए संथरेंति 2 ता वालुप्रासंथारए दुरूहंति 2 ता अट्ठमभत्ताई पगिण्हंति 2 ता वालुप्रासंथारोवगया उत्ताणगा अवसणा अट्ठमभत्तिमा जे तेसि कुलदेवया मेहमुहा णामं णागकुमारा देवा, ते मणसि करेमाणा 2 चिट्ठति / तए णं तेसिमावाडचिलायाणं अट्ठमभत्तंसि परिणममाणंसि मेहमुहाणं णागकुमाराणं देवाणं पासणाई चलंति। ... तए णं ते मेहमुहा णागकुमारा देवा पासणाई चलिपाई पासंति 2 ता प्रोहि पउंजति २त्ता आवाडचिलाए प्रोहिणा प्राभोएंति 2 ता अण्णमण्णं सद्दार्वेति २त्ता एवं वयासी-एवं खलु देवाणुप्पिा ! जंबुद्दीवे दीवे उत्तरद्धभरहे वासे आवाडचिलाया सिंधए महाणईए वालुप्रासंथारोवगया उत्ताणगा अवसणा अट्ठमभत्तिा अम्हे कुलदेवए मेहमुहे णागकुमारे देवे मणसि करेमाणा 2 चिट्ठति, तं सेन खलु देवाणुप्पिया! अम्हं आवाडचिलायाणं अंतिए पाउभवित्तएत्ति कटु अण्णमण्णस्स प्रतिए एअमटुं पडिसुणेति, पडिसुणेत्ता ताए उक्किट्ठाए तुरिआए जाय' बोतिवयमाणा 2 जेणेव जंबुद्दीवे दोवे उत्तरद्धभरहे वासे जेणेव सिंधू महाणई जेणेव प्रावाडचिलाया तेणेव उवागच्छंति 2 ता अंतलिक्खपडिवण्णा सखिखिणिपाइं पंचवण्णाई वत्थाई पवरपरिहिया ते आवाडचिलाए एवं वयासी-हं भो प्रावाडचिलाया! जण्णं तुम्भे देवाणुप्पिा ! वालुप्रासंथारोवगया उत्ताणगा अवसणा अट्ठमभत्तिमा अम्हे कुलदेवए मेहमुहे णागकुमारे देवे मणसि करेमाणा 2 चिट्ठह, तए णं अम्हे मेहमुहा णागकुमारा देवा तुम्भं कुलदेवया तुम्हें अतिअण्णं पाउम्भूत्रा, तं वदह णं देवाणुप्पिा ! कि करेमो के व मे मणसाइए? तए णं ते आवाडचिलाया मेहमुहाणं गागकुमाराणं देवाणं अंतिए एअमट्ट सोच्चा जिसम्म हट्ठतुट्ठचित्तमाणंदिया जाव हिप्रया उट्ठाए उट्ठन्ति 2 त्ता जेणेव मेहसुहा, णागकुमारा देवा तेणेव उवागच्छंति २त्ता करयलपरिग्गाहयं जाव' मत्थए अंजलि कटु मेहमुहे णागकुमारे देवे जएणं विजएणं वद्धाति 2 ता एवं वयासो-एस गं देवाणुप्पिए ! केइ अप्पत्थिअपथिए दुरंतपंतलक्षणे (हीणपुण्णचाउद्दसे) हिरि-सिरि परिवज्जिए जे णं अम्हं विसयस्स उरि विरिएणं हव्यमागच्छह, तंतहा णं घत्तेह देवाणुप्पिया ! जहा णं एस अम्हं विसयस्स उरि विरिएणं णो हध्वमागच्छइ / 1. देखें सूत्र संख्या 57 2. देखें सूत्र संख्या 34 3. देखें सूत्र संख्या 44 देखें सत्र संख्या 44 Jain Education International For Private & Personal Use Only www.jainelibrary.org
| SR No. | 003486 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 480 |
| Language | Prakrit, Hindi |
| Classification | Book_Devnagari |
| File Size | 13 MB |