________________ सुयशविरपणीयं चंदपज्जत्तिसुत्तं नमो अरिहंताम् / / जयइ नव-नलिण-कुवलय-वियसिय-सयवत्त-पत्तलदलच्छो / वीरो गइंद-मयगल-सललिय-गयविक्कमो भयवं // 1 // नभिऊण असुर-सुर-गरुल-भुयग-परिवंदिए गयकिलेसे / अरिहे सिद्धायरिय-उवज्झाए सव्वसाहू ये // 2 // फुड-विय ड-पागडत्थं, वुच्छं पुन्व-सुय-सार-नीसंदं / सुहमं गणिणोवइट्ठ, जोइस-गणरायपत्ति // 3 // नामेण इंदभूइति गोयमो वंदिऊण तिविहेणं / पुच्छइ जिणवर-वसहं, जोइसरायस्स पत्ति // 4 // कइ मंडलाइ वच्चइ 1, तिरिच्छा कि च गच्छई 2 / ओभासइ केवइयं 3, सेयाइ कि ते संठिई 4 // 5 // कहिं पडिहया लेसा 5, कहं ते ओयसंठिई 6 / / के सूरियं वरयते 7, कहं ते उदयसंठिई 8 // 6 // कइकट्ठा पोरिसीच्छाया 9, जोगेत्ति कि ते आहिए 10 / / कि ते सवच्छराणाई 11, कइ संवच्छराइ य 12 / / 7 // कहं चंदमसो वुड्डी 13, कया ते दो (जो) सिणा बहू 14 / के सिग्धगई वुत्ते 15, किं ते दो (जो) सिणलक्खणं 16 // 8 // चयणोववाय 17, उच्चत्ते 18, सूरिया कइ आहिया 19 / अणुभावे केरिसे वुत्ते 20, एवमेयाइं वीसई // 9 // सूत्र 1 // वडोवड्डी 1, मुहत्ताण-मद्धमंडलसंठिई 2 / के ते चिण्णं परियरइ 3, अंतरं किं चरंति य 4 // 10 // ओगाहइ केवइयं 5, केवइयं च विकंपइ 6 / मंडलाण य संठाणे 7, विक्खंभो 8 अट्ठ पाहुडा // 11 // सूत्र 2 // छप्पंच य सत्तेव य, अट्ट य तिन्नि य हवंति पडिवत्ती। पढमस्स पाहुडस्स उ, हवंति एयाओ पडिवत्ती // 12 // सूत्र 3 // Jain Education International For Private & Personal Use Only www.jainelibrary.org
