________________ 182] [सूर्यप्रज्ञप्तिसूत्र जम्बूद्दोवो-जंबुद्दोवे जोइसियपरिमाणं ता अयण्णं जंबुद्दीवे दीवे सव्वदीवसमुद्दाणं सम्वन्भंतराए सव्वखुड्डाए जाव एगं जोयणसयसहस्सं आयाम-विक्खंभेणं, तिणि जोयणसयसहस्साई, सोलस सहस्साई, दोणि य सत्तावीसे जोयणसए, तिण्णि य कोसे, अट्ठावीसं च धणुसयं तेरस अंगुलाई, अद्धंगुलं च किंचि विसेसाहियं परिक्खेवेणं पण्णत्ते / 15. ता जंबुद्दीवे दीवे ___ केवइया चंदा पभासिसु वा, पभासिति वा, पभासिस्संति वा? 25. केवइया सूरा विसु वा, तति वा, तविस्संत्ति वा ? 3 प. केवइया गहा चारं चरिसुवा, चरंति वा, चरिस्संति या ? 4 प. केवइया णक्खत्ता जो जोइंसु वा, जोएंति वा, जोइस्संति वा ? 5 प. केवइया तारागणकोडि-कोडोओ सोभं सोभेसु वा, सोभंति वा, सोभिस्संति का ? 1 उ. ता जंबुद्दीवे दोवे दो चंदा पभासेंसु वा, पभासिति वा, पभासिस्संति वा। 2 उ. दो सूरिया तविसु वा. तवेति वा, तविस्संति वा। 3 उ. छावर्तारं गहसयं चारं चरिंसु वा, चरंति वा, चरिस्संति वा। 4 उ. छप्पण्णं णक्खत्ता जोयं जोएंसु बा, जोएंति वा, जोइस्संति वा। 5 उ. एग सयसहस्सं तेत्तीसं च सहस्सा णव सया पण्णासा तारागणकोडिकोडीणं सोभं सोभेसु वा, सोभंति वा, सोभिस्संति वा। गाहाओदो चंदा दो सरा, णक्खत्ता खल हवंति, छप्पणा / छावत्तरं गहसयं, जंबुद्दोवे विचारोणं // एगं च सयसहस्सं तेत्तीसं खलु भवे सहस्साई / णव य सया पण्णासा, तारागणकोडिकोडीणं // लवणसमुद्दो ता जंबुद्दीवं दीवं लवणे नामं समुद्दे वट्टे वलयाकारसंठाणसंठिए सव्वओ समंता संपरिखिता णं चिट्ठइ। प. ता लवणे णं समुद्दे कि समचक्कवालसंठिए विसमचक्कवालसंठिए ? उ. ता लवणसमुद्दे समचक्कवालसंठिए, नो विसमचक्कवालसंठिए / Jain Education International For Private & Personal Use Only www.jainelibrary.org
