________________ 190 / [ प्रज्ञापनासून विक्खंभेणं एगा जोयणकोडी बायालीसं च सतसहस्साई तीसं च सहस्साई दोणि य अउणापण्णे जोयणसते किंचि विसेसाहिए परिक्खेवेणं पण्णत्ता। ईसीपम्भाराए णं पुढवीए बहुमज्झदेसमाए पट्टजोयणिए खेत्ते अट्ट जोयणाई बाहल्लेणं पण्णत्ते, ततो अणंतरं च णं माताए माताए पएसपरिहाणीए परिहायमाणी परिहायमाणो सब्वेसु चरिमंतेसु मच्छियपत्तातो तणुययरी अंगुलस्स असंखेज्जतिभागं बाहरूलेणं पण्णत्ता। ईसीपल्भाराए णं पुढबीए दुवालस नामधिज्जा पण्णत्ता / तं जहा-ईसी ति वा 1 ईसीपभारा इ वा 2 तणू ति वा 3 तणुतणू ति वा 4 सिद्धी ति वा 5 सिद्धालए ति वा 6 मुत्ती इ वा 7 मुत्तालए ति वा 8 लोयग्गे इ वा 6 लोयग्गभिया ति वा 10 लोयग्गपडिवुझणा इ वा 11 सन्वपाण-भूतजोवसत्तसुहावहा इ वा 12 / ईसीपब्भारा णं पुढवी सेता संखदलविमलसोस्थिय-मुणाल-दगरय-तुसार-गोक्खीर-हारवण्णा उत्ताणय छत्तसंठाणसंठिता सव्वज्जुणसुवण्णमई अच्छा सहा लण्हा घट्टा मट्ठा नीरया निम्मला निप्पका निक्कंकडच्छाया सप्पभा सस्सिरीया सउज्जोता पासादीया दरिसणिज्जा अभिरुवा पडिरूवा / ईसीपम्भाराए णं सीताए जोयणम्मि लोगतो। तस्स णं जोयणस्स जे से उरिल्ले गाउए तस्स णं गाउयस्स जे से उरिल्ले छमागे एत्य णं सिद्धा भगवंतो सादीया अपज्जवसिता अणेगजाति-जरामरण-जोणिसंसारकलंकलीभाव-पुणभवगम्भवासवसहीपवंचसमतिक्कता सासयमणागतद्धं कालं चिट्ठति / तत्थ विय ते अवेदा अवेदणा निम्ममा प्रसंगा य / संसारविष्यमुक्का पदेसनिव्वत्तसंठाणा // 18 // कहि पडिहता सिद्धा? कहिं सिद्धा पइद्विता? / कहिं बोंदि चइत्ता गं ? कहिं गंतूण सिज्झई ? // 156 / / प्रलोए पडिहता सिद्धा, लोयम्गे य पइटिया। इह बोंदि चइत्ता णं तत्थ गंतूण सिज्झई // 16 // दोहं वा हस्सं वा जं चरिमभवे हवेज्ज संठाणं / तत्तो तिभागहीणा सिद्धाणोगाहणा भणिया // 161 // जं संठाणं तु इहं भवं चयंतस्स चरिमसमयम्मि / पासी य पदेसघणं तं संठाणं तहिं तस्स // 162 // तिण्णि सया तेत्तीसाधणुत्तिभागो य होति बोधब्बो। एसा खलु सिद्धाणं उक्कोसोगाहणा भणिया // 163 / / चत्तारि य रयणीप्रो रयणितिभागूणिया य बोद्धब्बा। एसा खलु सिद्धाणं मज्झिम प्रोगाहणा भणिया / / 164 / / एगा य होइ रयणी अद्वैव य अंगुलाई साहीया / एसा खलु सिद्धाणं जहण्ण प्रोगाहणा भणिता // 16 // Jain Education International For Private & Personal Use Only www.jainelibrary.org
