Page Text
________________ [ अन्तकृद्दशा तए णं से गयसुकुमाले अम्मापिऊहिं एवं वुत्ते समाणे अम्मापियरो एवं बयासी-तहेव णं तं अम्मो ! जहेव णं तुम्भे ममं एवं वयह-"तुम सि णं जाया! अम्हं एगे पुत्ते इ8 कंते पिए मणुण्णे मणामे थेज्जे वेसासिए सम्मए बहुभए अणुमए भंडकरंडगसमाणे रयणे रयणभूए जीविय-उस्सासिए हियय-गदि करे उंबरपुष्पं व दुल्लहे सवणयाए, किमंग पुण पासणयाए ? नो खलु जाया ! अम्हे इच्छालो खणमवि विप्पनोगं सहित्तए। तं भुजाहि ताव जाया! विपुले माणुस्सए कामभोगे जाव ताव वयं जीवामो। तमो पच्छा प्रम्हेहि कालगएहि परिणयवए वढिय-कुलवंसतंतुकज्जम्मि निराव. यक्खे अरहो अरिनेमिस्स अंतिए मुडे भवित्ता अगाराम्रो अणगारियं पब्वइस्ससि / " एवं खलु अम्मयाप्रो ! माणुस्सए भवे अधुवे अणितिए असासए वसणसोवद्दवाभिभूते विज्जुलयाचंचले अणिच्चे जलबुब्बुयसमाणे कुसग्गजलबिंदुसन्निभे संझन्भरागसरिसे सुविणदंसणोवमे सडण-पडण-विद्धसण-धम्मे पच्छा पुरं च णं अवस्सविप्पजहणिज्जे। से के णं जाणइ अम्मयानो। के पुन्धि गमणाए के पच्छा गमणाए? तं इच्छामि णं अम्मयानो ! तुब्भेहि अभणुण्णाए समाणे अरहओ अरिट्टनेमिस्स अंतिए मुडे भवित्ता णं अगारापो प्रणगारियं पव्वइत्तए / ___ तए णं तं गयसुकुमालं कुमारं अम्मापियरो एवं वयासी-इमे य ते जाया ! प्रज्जय-पज्जयपिउपज्जयागए सुबहु हिरण्णे य सुवण्णे य कसे य दूसे य मणिमोत्तिय-पंख-सिल-प्पवाल-रत्तरयणसंतसार-सावएज्जे य अलाहि जाव पासत्तमानो कुलबंसानो पगामं दाउं पगाम भोत्त पगामं परिभाएउ / तं अणुहोही ताव जाया ! विपुलं माणुस्सगं इडिसक्कारसमदयं / तओ पच्छा अणुभूयकल्लाणे अरहयो अरिट्ठनेमिस्स अंतिए मुंडे भवित्ता अगाराओ अणगारियं पव्वइस्ससि / तए णं से गयसुकुमाले अम्मापियरं एवं वयासी–तहेव णं तं अम्मयानो ! जंणं तुन्भे ममं एवं वयह-"इमे ते जाया! अज्जग-पज्जग-पिउपज्जयागए जाव पब्वइस्ससि / '- एवं खलु अम्मयानो! हिरणे य जाव सावएज्जे य अग्गिसाहिए चोरसाहिए रायसाहिए दाइयसाहिए मच्चुसाहिए, अग्गिसामण्णे चोरसामण्णे रायसामण्णे दाइयसामण्णे मच्चुसामण्णे सडण-पडण-विद्धसणधम्मे पच्छा पुरं च णं अवस्स विप्पजहणिज्जे / से के णं जाणइ अम्मयानो ! किं पुब्धि गमणाए ? के पच्छा गमणाए ? तं इच्छामि णं अम्मयानो! तुम्भेहि प्रभणुण्णाए समाणे अरहओ अरिदृने मिस्स अंतिए मुंडे भवित्ता अगारापो अणगारियं पव्वइत्तए। तए णं तस्स गयसुकुमालस्स कुमारस्स अम्मापियरो जाहे नो संचाएंति गयसुकुमालं कुभारं बहहि विसयाणलोमाहि अाधवणाहि य पण्णवणाहि य सण्णवणाहि य विष्णवणाहि य प्रायवित्तए वा पण्णवित्तए वा सण्णवित्तए वा विण्णवित्तए वा ताहे विसयपडिकूलाहिं संजमभउव्वेयकारियाहिं पण्णवणाहिं पण्णवेमाणा एवं वयासो एस णं जाया ! निग्गंथे पावयणे सच्चे प्रणत्तरे केलिए पडिपुग्णे नेयाउए संसुद्ध सल्लगत्तणे सिद्धिमग्गे मुत्तिमम्गे निज्जाणमग्गे निव्वाणमग्गे सव्वदुक्खपहीणमग्गे, अहीव एगंतदिट्ठीए, खुरो इव एमंतधाराए, लोहमया इव जवा चावेयव्वा, वालुयाकवले इव निरस्साए, गंगा इव महानई पडिसोयगमणाए, महासमुद्दो इव भुयाहि दुत्तरे, तिक्खं कमियन्वं, गरुअं लंबेयव्वं, प्रसिधारव्वयं चरियव्वं / नो खलु कप्पद जाया ! समणाणं निरगंथाणं आहाकम्मिए वा उद्देसिए वा कोयगडे वा ठविए वा रइए वा दुभिक्खभत्ते वा कंतारभते वा बद्दलियाभत्ते वा गिलाणभत्ते वा मूलभोयणे वा कंदभोयणे वा फलभोयणे वा बीयभोयणे वा हरियभोयणे वा भोत्तए वा पायए वा / Jain Education International For Private & Personal Use Only www.jainelibrary.org
| SR No. | 003476 |
| Book Title | Agam 08 Ang 08 Anantkrut Dashang Sutra Stahanakvasi |
| Original Sutra Author | N/A |
| Author | Madhukarmuni, Divyaprabhashreeji, Devendramuni, Ratanmuni, Kanhaiyalal Maharaj |
| Publisher | Agam Prakashan Samiti |
| Publication Year | 1981 |
| Total Pages | 249 |
| Language | Prakrit, Hindi |
| Classification | Book_Devnagari |
| File Size | 7 MB |